Mix Chat Room Pakistan ka #1 Chat Room

Khan on WeTalk Sawalaat with Wolverine

Wolverine

Well-known member
Vip & Excellent
Joined
Dec 10, 2018
Messages
695
Reaction score
296
Points
63
Age
26
Location
Canada



Khush Aamdeed, WeTalk Sawalaat with Wolverine
Jesa k naam se zaahir ha is show me sirf aur sirf sawaalat hongy. Aam sawaalat nahi, chatpatay gossips, khoobiyan aur khaamiyan, aese raaz jo pehle kabhi na kahay sune. Shuru karty hen is series ka pehle show. Sawagat ha ap sab ka.

Mehmaan: Khan/Bulandi [Mixchatroom Admin/Technical Support]

Wolverine: Kya aap new hen? Ya koi purana nick ha apka?
Khan: Main old bhe hoon new bhe hoon. Purana nick mera bulandi howa karta tha.


Wolverine: Aap main per active nah hen. Kya aap chat nahi karty?
Khan: Main just apnay kam say kam rakhta hon, chat us hadd tak karta hon ager kissi ko kam hota hai mujhay apnay kam ke baray main aa kar kehte hain tou just ushe waqt us issue par reply kar deta hon thats it, ziyada free nahin hota.


Wolverine: To kya aapne kuch dost bnaye hen yahan? Staff k ilawa kisi se halki phulki dosti bhi nahi hui?
Khan: Dosti ek muhtaram rishta hai, jo ke mujhay nahin lagta net ke iss virtual dunya main kissi ke sath ho sakti hai, haan yahan par just selfishness hai net par ushe ko dosti ka naam diya jata hai tou iss tarah ke dosti bhuton say hoi aur bhuton ko hum say hoi.


Wolverine: Apka gehra tajurba maloom hota ha itni zahanat ki baton se. Kya aap k pehle kuch dost thy ya hamesha se Tech support hen?
Khan: As i said, ke dosti ke naam par tajarbon ne yeh seekha diya ke yahan selfishness ko dosti ka naam diya jata hai tou tech support bhe rahay aur selfish khud bhe rahay auron ne bhe yeh behave rakha.


Wolverine: Kya ap radio sunty hen yahan ka? Koi pasandeeda DJ/RJ?
Khan: Ji main nahin sunta radio na yahan na real life main.


Wolverine: Agar apko kuch nyi technology me jidat lani pare to kya bnayen gy?
Khan: Aisa kuch jiss say yeh technology khatam ho jaye, aur woh pehle ka idhwaar wapus aa jaye jiss main sukoon hotta tha.


Wolverine: Ap k mashaagil/hobbies kya hen? kabhi kuch aesa kiya jis se apka sar fakhar se buland ho?
Khan: ALLAH behtar jantay hain about it, rahi baat mashaagil aur hobbies ke tou kitaabein pardhna.


Wolverine: Apki koi buri aadat jisko badalna chahty hon?
Khan: ALLAH behtar jantay hain, aur har buri addat ko badalnay ke sa'ee karna chahye.


Wolverine: Kya aap khush rehty hen? Muskuraty hen? Kin baaton se dili sukoon milta ha?
Khan: Sukoon to zikarullah say hota hai, aur sukoon bhe ushe say ata hai aur muskarahat koii aam cheez nahin hoti sadqah hota hai tou woh bhe tab ayegi jab hum zikarullaah karain gay.


Wolverine: Koi aesa lateefa/joke jo apko bohat pasnd ho?
Khan: Pehle kissi zamanay main lagtay the achchay, par ek bar ek hadees samnay aaye jiss main tha ke barbadi ho aise logon ki jo yahan wahan ke baatein bana kar logon ko hansanay ke koshish kartay hain barbadi ho barbadi ho barbadi ho teen bar Allaah ke Rasul ne aisa kaha tou us ke bad i dont like those things.


Wolverine: Dor e jadeed ki konsi ejaad ne insaniyat ko bohat faida pohanchaya ha magar usko zyada pazeraai nahi mil saki?
Khan: Dor e jadeed ke har ejaad main jo achchaye ka pehraya tha usko pazeerai nahin mili balkay har ejaad ke achchay pehraye ko chor buray pehraye ko liya gaya.


Wolverine: Aap khan hen aur yakenan haseen bhi hongy. Jab apki tareef karta ha koi to kesa rad-e-amal/reaction hota ha apka?
Khan: ALLAH ke pannah mangta hon har evil eye say aur ALLAH ke har makhlooq khoubsurat hai koi khan honay say khoubsurat nahin ban jata.


Wolverine: Ap apni technology se kese up-to-date rehty hen? Programming krty hen ya Servers manage krty hen shoq se?
Khan: ilm haasil karnay say aur 'ulul albaab say consult kar ke seekh kar update rehtay hain. jese ke ALLAH ne instruct kiya apko patta nahin tou ehal e ilm say pouch lo. I do programming and server management both.


Wolverine: Koi aesi cheez jisme apko lagta ho ap expert hen magar hakeekat me kuch kami beshi ho?
Khan: jo khud ko expert samjhta hai woh haqeeqat main expert nahin hota us jaisa jahil koi nahin hota, insaan main kami beshi hoti he hai tabhi tou insaan hai.


Wolverine: Kin baaton se aap pareshan hoty hen? Stress ko kese handle kerty hen?
Khan: Gunnah say. Stress ko handle karnay ke liyay ruju karta hoon apnay ALLAH say.


Wolverine: Kya aap shuru se Mazhabi hen ya koi aesa jhatka/nuksan ya dhoka mila jis se apne logon se zyada umeeden lgana chor din?
Khan: Fitratan hum insaan sab mazhabi hotay hain, laykan bad ka mahool humhain apni taraf kehanch kar le jatay hain, phir ALLAH jiss ko chahta hai pasand karta hai usko apni taraf ke samjhe ata kar deta hai, ager apke husan e zann ke tarah mujhay ALLAH mazabi bana de tou kya he baat hai iss par Aameen kahonga.


Wolverine: Kya apne kabhi ger-ikhlaaqi baat ya harkat ki ha jis pe pachtawa hua ho? jese kisi ka dil dukhana wagera.
Khan: Iss sawal par ek hadees sunaon apko?
Wolverine: Bismillah. Reference bhi den sath. Please
Khan: Qayamat ke din ek shakas ko ALLAH ke samnay laya jayega, us ke bakshish nahin kii jayegi aur usko kaha jayega ke tum dunya main buray kam kartay the aur phir usko logon ke samne jatatay bhe the chupatay nahin the, tou aaj tumharay liyay koii maafi nahin. aur usko ondhay monh jahanum main dala jayega.

yeh hadeeth Majma Az Zawaid aur Tabraani main hai aur isske chain narrator Hassan Darjay kii hai.

Main gunnahon ko chupanay ke koshish karonga ager mujhay say kabhi hoi bhe ALLAH say hamesha maafi ka khuwashgar rrehta hon aur rahonga.



Wolverine: Kya apko kisi aesi cheez se lagan ha jis se aam awaam ko itni raghbat na ho?
Khan: I dont know ke main auron ko kaise judge karon ke unko raghbat hai ya nahin ALLAH behtar jantay hain ke logon ko kiss cheez main raghbat hai? kya pata main samjhon logon ko nahin aur haqeeqat main unko ho. So main apnay kaam aur ammaal main diyan deta hon auron ke raghbaton main khud ko nahin dalta. Mujhe say mera poucha jayega auron ka nahin.


Wolverine: Agar apko kisi dusre mulk rehna par jaye aur bs ek chota bag le ja saken sath to konsa mulk aur konsi chez le k jayengy?
Khan: Main bhut say mulkon main raha hoon, aur haqeeqat main mere sath chotta bag he hota hai jiss main pehanay ke kapdhay aur documents aur mera laptop.


Wolverine: Koi aesi cheez jis pe insaniyat ko tawaju dena chahye magar nahi de rhi? e-World ko ek jumlay me bayaan kren.
Khan: Surah Zareeyat ke ek ayat hai us par tawajoo dena chahye insaan ko woh yeh hai ke "main ne jin aur insaanon ko apni ibaddat ke liyay paida kiya hai."
E-world? ager suchi baat bataon tou waste of time and energy.


Wolverine: Koi video game ya sports khelty hen? Pasandeeda konsi ha?
Khan: Games nahin khelta, kissi zamanay main shugalan zynga poker aur ludo khel leta tha. Sports main basketball khelta hon.


Wolverine: Kya ap fazool kharch thay ya hen? Kabhi kuch aesa khareeda jo kabhi istemal nahi kiya aur arsay baad dekh k kaha ho " Aa mein ki kar dita "?
Khan: Haan ji, mere pass iss waqt 6 laptops hain aur use just ek ko karta hon baqi fadhool padhay hoi hain aur cell phone bhe 5 hain use ek hota hai 4 aise padhay hain. Matlab technology ke things cell aur laptop ke new version jo fadhooliyat hain woh hamesha khareedta rehta hon.

========Adding this part just for some smiles==========

Khan: Kitnay sawalat mazeed rehte hain? Meri Ammi breakfast ke liyay bula rahi hain. Give me five minute? jaldi say kha ke ata hon phir continue kartay hain?
Wolverine: Ammi ki daant kha len nashta bhi hota rahega. Sawaalat bhi aham hen mushkil se haath lagy hen aap aj.
Khan: Give me five minutes? jaldi say kha ke ata hon phir continue kartay hain?
Wolverine: 10 Minutes le len. Jaldi se na khayen hoslay se khayen.
Khan: Ok main five minutes aata hon. Main kam khata hon paitu nahin.
Wolverine: 10 Minutes le len. Jaldi se na khayen hoslay se khayen.
-------------------
Khan: Mojood hain? Wolverine.
Wolverine: Khush amdeed. Sir apki rahon me nazren bichayen udaas ankhon se muntazir tha.

========Back to interview==========

Wolverine: Ek phone aur ek laptop ko dekh k mera dil lalchaaye aur tamanna peda ho k wasool kr lu apse to ap mjhe jhirak den gy ya tohfa den gy?
Khan: Main apnay khareday hoi tou nahin donga haan ager dil ne kaha tohfa dene ko tou apko new khareed ke de donga.


Wolverine: Apne kaam se apne kya kuch seekha ha? Kya apko behtar insan bnanay me kisi insan ka haath ha?
Khan: Ager mujhe main behtari hai tou woh ALLAH ke taraf say jo ALLAH ke RASOOL (SAW) ne seekhai hai us taraf say hai, ager koii burai hai tou shaitan ke taraf say hai, aur jitna main ne seekha hai abhi tak main kahonga itna jitna ALLAH ne seekhaya hai baqi tamam ilm tou Allaah ke pass hain.


Wolverine: Kya apne kabhi bekhayali me kuch aesi hamakat ki ha jis pe baad me sharmindgi uthani pari ya muskaan aai ho apk labon pe?
Khan: ALLAH behtar jantay hain.
Wolverine: Goya ap k ilm me aesi koi baat nahi jo yaad ho?
Khan: Aisa he samjhe lain.


Wolverine: Kya ap kisi ko kaayel kr skty hen burai k rasty par chalne se? Kabhi kisi dost ahbaab ko smjhaya ho aur acha insaan bnane ki koshish ki ho?
Khan: Yeh bhe ALLAH behtar jantay hain ke kaun hai bashar.


Wolverine: Agar apko ek gaar/cave me rehna par jaye sab technology se door sirf fruits per. To reh len gy?
Khan: ALLAH ke RASOOL (SAW) ne every friday ko Surah Al Kahf padhnay ka hukam diya hai to protect yourself from dajjal. Tou ager kissi momin ko aisa muqqah ke samna karna padha tou ALLAH he hain jo 309 years Ashab e Kahf ko wahan bagair kuch khaye zinda rakh saktay hain tou woh kissi bhe momin ko rakh saktay hain ager ALLAH par imaan mazboot ho to.


Wolverine: Kya aap moseeki aur filmen dekhty hen? Agar han to pasendeeda gana aur film btayen.
Khan: Main apnay khuwaish say nahin sunta haan ager irdh girdh ya kissi site par kam kartay hoi us main radio laga howa ho tou us waqt kam main padh jati hai awaz movies nahin dekhta.


Wolverine: Kya aap purane zamane ko zyada pasand krty hen ya naye zamane ko? Kyun?
Khan: Because puranay zamany main hayya sharam sukoon aur imaan main mazbooti thi aur yehi ALLAH ke Rasool (SAW) ne bhe kaha ke anay wala waqt bad say badtar hota jayega.


Wolverine: Kya mujh se koi sawaal krna chahen gy? Mere baray me jaanNa chahen gy kuch?
Khan: Aap say sawal karonga ek woh apki shakseeyat ke baray main nahin balke iss room ke interview management ke baray main ager aap ijazat dein tou karon?
Wolverine: Hukam karen Sir.
Khan: Main forum par gaya interview section main wahan just chand numayah shakseyaton ka interview dekha jab ke yahan room main bhut say users aatay hain, aap log aam users ka interview kyun nahin kartay? just point out shakseeyaton ka he kyun? yeh duhra mayar nahin?
Wolverine: Ye silsila NMNC ne shuru kiya tha unho ne regular users se sawalat kiye. Phr un se mujh tak haal hi me muntakil hua ha ya aur meri koshish hoti ha hafty me kam az kam ek mehmaan ko maduu kiya jaye.
Khan: Ok ji, mera yehii sawaal tha :)
Wolverine: Raha jawab dohray mayaar ka to bohat se log aese hen jo hichkichaty hen abhi. Magar jese jo jo maan jata usko mehmaan bna liya jata. Ahista ahista ye silsila tawalat pakrega sabko bulaya jayega. Forum par abhi ginti k kuch log hen jo chat par bhi active hen. Magar koshish jaari ha waqt k sath sath ap dekhen gy ye silsila chalta rahega aur dekha dekhi sb jok dar jok forum aur interview pe mehmaan nawazi ka moka dengy management ko.
Khan: INSHALLAH, chalein yeh bhe achchi baat hai.


Wolverine: Apko kesa laga mere mehmaan ban kar?
Khan: Mujhay khushi hoi, aap ek achchay insaan hain, laykan mujhay patta nahin ke aapne mujhay mehman bana kar kya mehsoos kiya.
Wolverine: Mehmano se mil k hamesha khushi hoti ha. Hum ek dusre ko itna nahi janty abhi tk magar bohat acha laga apne daawat kabool ki aur itna waqt diya. Ehsaan-mand aur mashkoor hun apka tah-e-dil se. Koi ulta seedha sawaal kiya ho to dil se maazrat.
Khan: Mujhay khushi hoi, aap ek achchay insaan hain, laykan mujhay patta nahin ke aapne mujhay mehman bana kar kya mehsoos kiya. Mere taraf say koi aisa jawab mila ho ager jiss say apko kofat hoi ho tou mazrat.
 

No-Man-No-Cry

Heroine
Joined
Nov 14, 2018
Messages
758
Reaction score
165
Points
43
Location
Out beyond ideas of wrongdoing and rightdoing
Khan: Haan ji, mere pass iss waqt 6 laptops hain aur use just ek ko karta hon baqi fadhool padhay hoi hain aur cell phone bhe 5 hain use ek hota hai 4 aise padhay hain. Matlab technology ke things cell aur laptop ke new version jo fadhooliyat hain woh hamesha khareedta rehta hon.
.
Sir, kabhi donate karnay ka nahi socha?
 

GuesS

Senior User
Vip & Excellent
Joined
Dec 10, 2018
Messages
347
Reaction score
169
Points
43
Itni gehri Urdu o_O
Impressive interview. Keep up the good work @Wolverine.
 

Hania

Annabelle
Joined
Nov 25, 2018
Messages
825
Reaction score
142
Points
43
Location
Pakistan
really loved it !!
@Khan boht ache se jawabat diy ap ne ,, i really enjoyed it ! :giggle:
kuch din phle tk mje ye lgta tha k khan larki han opps !! :D:D anyhow acha lga in k barey m jan k :) :)
n yes @No-Man-No-Cry i was thinking the same ! :D :LOL: @Khan sir !! agr kbhi donate krne ka khyal aye to mera naam sar'e'fehrist rakhiye ga !! :D :ROFLMAO::LOL:
n @Wolverine welldone boi !! :love::love:
 

Sherlock

Batman
Joined
Jan 14, 2019
Messages
342
Reaction score
61
Points
28
Location
Gotham City
Itni gehri Urdu o_O
Impressive interview. Keep up the good work @Wolverine.
the only person, who appreciates interviewer more than interviewee
asal kamal tu interviewee ka hai unsny bardaasht kia @Wolverine jaisi cheez ko :D

Lets come to the point,

Wolverine: Ek phone aur ek laptop ko dekh k mera dil lalchaaye aur tamanna peda ho k wasool kr lu apse to ap mjhe jhirak den gy ya tohfa den gy?
Khan: Main apnay khareday hoi tou nahin donga haan ager dil ne kaha tohfa dene ko tou apko new khareed ke de donga.
Tu phr kab derhay hain gifat mjhy :love:
 

GuesS

Senior User
Vip & Excellent
Joined
Dec 10, 2018
Messages
347
Reaction score
169
Points
43
the only person, who appreciates interviewer more than interviewee
asal kamal tu interviewee ka hai unsny bardaasht kia @Wolverine jaisi cheez ko :D
Main zyada parh hi nahi payee because of the lengthy Urdu. @Wolverine ki tareef to inhe pump kerne k liye ki gayee hai :rolleyes: Werna, aap khud samajdaar hain.
 

GuesS

Senior User
Vip & Excellent
Joined
Dec 10, 2018
Messages
347
Reaction score
169
Points
43
Since I haven't mentioned this in my prior posts, the answers were very mature and thoughtful. Thumbs up.
 

Epic

Senior User
Staff Admin
Joined
Dec 21, 2018
Messages
185
Reaction score
87
Points
28
Mujhe *Kunn* Se Ker Qareeb Ter...
Mujhe Apne Der Ki Gadayi Dey...
Mujhe Is Jaha Se Gharz Nahi...
Mujhe Us Jahan Ki Rasayi Dey!!!
 

sam

Senior User
Joined
Jan 28, 2019
Messages
100
Reaction score
58
Points
28
interesting
 

Cato

Senior User
Joined
Mar 4, 2019
Messages
248
Reaction score
81
Points
28
Age
24
Ahan 👉👉👉👌👌👌👌owsmmm
 
Top