" Waleed Aur Maha "

Mahiya

Most-active member
Writer
Feb 5, 2021
753
546
93
43
Karachi,Pakistan
****************Introduction*****************

Waleed aur Maha,meri pehli tehreer hai,aik farzi kahani hai.Is kahani ka kisi ki zindagi se koi link nahi hai.Is ke kerdar
(Characters) farzi hain,kisi ka kisi ke saath koi relation nahi hai.Ye kahani,is ke characters,is ke dialouges
meri takhleeq hain.
Baqaida likhna kab shuru kiya,yaad nahi,albat'ta jab mai ne shairi kerni choori,tab zehan mein is ki kahani
banti gayi,to soocha kyon na isey zehan mein hi mehfooz rakhney ke bajaye,kagaz pe mehfooz ker liya jaye.
to mai ne isey baqaida tehreeri shakal de di.
Sab se pehla masla,jo aksar shuru shuru mein likhney walon ko hota hai,woh hai naam,title novel ka.To bhut
soochney ke baad mai ne Waleed aur Maha ka title select kiya.
Is ke baad characters ke naam,is mein jitney bhi characters hain,un ke naam sab farzi hain aur merey
pasandeeda hain,is mein koi mushkil nahi howi mujhay.
Phir is ke dialouges.kahin kahin pe dialouges likhtey howey,meri ankhon mein bhi ansoo aa gay thay,to dil
aur mood thora upset hojata tha,to likhna chor deti thi,thora relax hoti phir likhna shuru kerti.
Bhut kam characters hain,to aap sab ko perhney mein bhi easy rehay ga.
Is mein,mohabbat hai,rishtey hain,nafrat hai,romance hai,love hai.
aap sab perhye aur comments dijye,tareef kijye,tanqeed kijye aur perhney ke baad jo dil mein pehli baat aay
woh bataye.
kyon ke aap sab ki tareef,tanqeed aur comments se hi mujhay andaza hoga keh mai ne kiya likha hai aur mujhay
aur behter kis terha kerna hai.
aik saath post nahi ker sakhti,is liye roz thora thora ker ke continue karon gi,
aur saath saath jo aap sab comments ya reply kerain gay to acha bhi lagay ga.

aap ke comments,tareef aur tanqeed ka intezar rehay ga.Perhye aur batatey jayain kaisa lag raha hai.

Waleed aur Maha.



********************Waleed aur Maha************
Humaisha ki terha woh kitchen mein kaam mein masroof thi,keh usay apna naam sunayi diya,
woh bahar janey lagi per ruk gayi keh usay Tayi ji ke bhut wazeh alfaaz sunayi diye,
"Poocho ja ke us se,keh mera beta kahan hai,jab se ye dono bhai behan is ghar mein aay hain,
tab se kuch na kuch ghalat ho raha hai"
"Amma, Faraz ko kyon keh rahi hain"
"Aray wah ,usay kyon na kahoon,tumhara mangetar hai to kiya howa,kahin ka maharaja nahi hai,tumharay
baap ke hi paisey luta raha hai"
"Amma,ahista bolein chaand sunn legi"
"Mai nahi darti,sunti hai to sunn le,mera ghar hai ye,aur jao ja ke us se poocho,keh mera beta kahan
hai"
"aap to aisey keh rahi hain,jaisey chaand ne aap ke betay ko agwah ker liya hai aur mai ja ke poochon
keh batao meray bhai ko kahan chupaa rakha hai"
woh jo apney ansoo rokney ki nakaam koshish ker rahi thi,ye sunn ke us ke chehrey pe muskurahat aagayi
"ye lerki kabhi nahi sudhrey gi"
*******************************************
Kabhi iss ghar kabhi uss ghar,ye dono bhai behan derbadar hotey rehay.Maha Inter ker rahi thi,jab ma,baap
ka saath choot gaya.Faraz us waqt matric mein tha.Maha ne apni taleem chor di,aur aik school mein
perhanay lagi.Tankhwa kam thi,lekin us ki majboori thi keh aaj kal graduate ko job nahi milti ye to
phir bhi matric pass thi,ganeemat tha keh job mil gayi,keh usay Faraz ko perhana tha,us ki khwashish ko poora
kerna tha,woh aik bhut acha doctor ban'na chahta tha,aur ye tabhi mumkin tha keh maha apni khwashishon ko daba
ke apney bhai ki khwashishon ko poora karey.Us ne faraz ko kisi cheez ki kami mehsoos nahi honey di.usay
ma,baap,behan aur aik achay dost ka payar diya.Zindagi isi terha guzer rahi thi keh aik din
Taya ji,nani ke ghar undono ko leney aye,apney saath,apney ghar le jaaney ke liye.Taya ji keh do bachay,
bara beta waleed aur beti seema.seema se maha ki dosti jald hi hogayi,per waleed sirf apney kaam se kaam rakhta,
usay koi garz nahi,kon aa raha hai,kon ja raha hai,ghar mein kiya ho raha hai,kiya nahi.faraz aur seema
ghulmil gaye aur in dono ki nok jhonk,poorey ghar mein zindagi bakhair deti hai.

*************************************************************

Phir aik din,khaney ki maiz pe Taya ji ne apna faisla sunaya.
"aaj se aik haftey baad faraz aur seema ki mangni hai aur..."
"per baba..."
Maha,meri baat abhi khatam nahi howi"
"sorry baba."
"mai keh raha tha ,faraz aur seema ki mangni ke do din baad waleed aur maha ki mangni hai..."
usi waqt waleed gussay se uth ke jaaney lagta hai
"baith jao waleed,meri poori baat sunn lo"
"Mera ye faisla atal hai,aur is faisley mein mai ne kisi ko shamil nahi kiya hai,isi liye,ager..."
"ji ji,aap kyon shamil kerney lagay apney faisley mein kisi ko,meri koi haisiyat hi nahi hai,jab se ye dono is ghar mein aaye hain
aap ne kisi ka bhi sun'na chor diya hai,per meri bhi aik baat sunn lein faraz aur seema ka rishta mujhay manzoor hai lekin ye,mai isey
apney ghar ki bahoo nahi banao gi,ager aap apney faisley pe atal hain to mera faisla bhi.."
Tayi ji,ko apney shohar ka faisla pasand nahi aya,aik to unho ne kisi se mashwara nahi liya aur dosra woh maha ko kisi bhi soorat
apni bahoo nahi bana'na chahtin,isi liye unho ne,apney shohar aslam ki baat khater mein laye bagair apna faisla suna diya,lekin Taya ji
ye sab sunn ke gussay mein aa gay
"bas rukhsana...."
woh itni zor se dharey keh tayi ji to tayi ji,maiz pe baithay,sarey nafoos ko bhi saanp soongh gaya.
"mera ye faisla atal hai,ager meray is faisley pe kisi ko aiteraz hai to woh abhi aur isi waqt ye ghar chor ke ja sakhta hai"
taya ji apna faisla sunna ke chaley jatey hain,isi terha waleed faraz aur seema bhi,lekin,maha apni jagah sun si baithi reh gayi aur yehi kaifyat tayi ji ki bhi thi.us ne pheli baar baba ko itney gussay mein dekha,aur woh ye samjhney se kasir hai keh unho ne ye faisla kyon
kiya,woh bhi ghar ke kisi fard se bagair poochay.woh din aur aaj ka din,tayi ji ne kabhi pyar se baat kerna to door ki baat,kabhi maha ko
seema ki terha nahi samjha.
faraz shuru se hi seema se mohabat kerta tha,per maha na jaan saki,aur baba ne faisla bhi ker diya.woh dono khush thay.aur us din ke
baad se maha ke dil mein waleed ke liye aik khaas jaga ban gayi,ye jaaney bagair ke waleed ke dil mein us ke liye siwaye nafrat ke
aur kuch bhi nahi,woh usay nazer bhar ke dekhna to door ki baat is ghar mein us ka wajood bardasht nahi ker sakhta,lekin woh ye sab
waleed ki mohabat samjhti rahi,jo sirf aur sirf uski nafrat hai.
aur aaj jab woh us ke kamrey mein nashta deney gayi,to us ne gussay mein tray phaink di aur office ke liye chala gaya,aab raat hogayi per waleed abhi tak ghar nahi aya,jo giyara bajey tak aa jaya kerta tha,us ne aik baja diye,isi liye tayi ji ke tanz-o-taaney ki zad mein woh thi.
seema ko ander aatey dekh ke woh apney kaam mein masroof hogayi.
"kiya howa?"
"idher dekho zara,ye ghar dekha hai?"
"hmm dekha hai kyon?"
"ye na hi haweli numa hai aur na hi mehal jo aap ko sehan mein kharey do logon ki guftugu sunayi na de,aur suno,zara apni shakal to dikhao"
"haan bolo"
"royi ho tum??''
"nahi seema aisa kuch nahi hai."
"iam sorry yaar amma kabhi kabhi"
"seema kiya hogaya hai,mai ne kaha na kuch nahi howa,aur woh ma hain.amma humari bhalayi ke liye hi kehti hain,jo kehti hain"
"bhalayi!!!!ye khana banaya hai,na namak hai na mirch,bibi ager khana bana'na nahi ata to kitchen ka rukh kerney ki zaroorat nahi,
aab ye sara khana phainkney mein jaye ga,bhalayi!!!! mujhay batao tum is mein tumhay kahan se bhalayi nazer aati hai?"
"seema,jaisa bhi hai,woh mujhay jo bhi kehti hain,per pait bhar ke khana to kha leti hain na,bhooka to nahi soteen"
"tum!!!!!!!!uffff!!!khudaya,mera ji kerta hai,tumhay jaan se maar doon"
maha apni muskurahat chuppa ke us se kehti hai
"to maar do na,acha hai jaan chootey gi sab ki"
"Chaand,baako mat,jao mai nahi bolti"
"aray,aray,acha mai nahi kehti kuch,please maan jao warna faraz mujh se kehay ga,aisa kiya kaha hai aap ne meri jaan se jo,
woh naraz hogayi hai"
"Chaand!!!!"
"oye hoye,kiya baat hai,merey samney to sharam aa gayi tumhay,us ke naam pe,aur jab woh ata hai to barey da'ant nikaltey hain,
us ke samney sharam kahan chali jati hai"
"chooley mein"
"batameez na ho to"
dono aisey hi hansi mazak ker rehay thay keh seema ne ik dum se poocha.
"Chaand,subah kiya howa tha?"
**********************************************************

Woh counter pe se saman samait ke,seema ke pass aa ke baith jati hai
"subah?"
woh seema ki taraf dekh ke kuch soochti hai,phir batati hai
"mai nashta deney gayi thi,woh office janey ke liye tayar ho rehay thay,mujhay dekh ke
unho ne tray utha ke phainkh di aur office ke liye chaley gay bas."
"bas!aur tum isey bhi waleed bhai ka ishq samjhin."
"ishq nahi mohabat" maha ne muskura ke kaha.
"haan wohi,tumhay hazar dafa samjhaya hai chaand,tum samjhti kyon nahi keh woh tum se nahi saima se pyar
kertey hain."
"mai kaisey yaqeen ker loon,woh meri zindagi hain,aur mai apni zindagi pe shak nahi ker sakhti,
meri mohabat kamzoor nahi."
"ager tumhari zindagi hi tum se keh de keh..."
"seema please"
"chaand kal tumhari zindagi ka bhut khoobsurat din hai,waleed bhai ager aaj nahi aay to kal bhi nahi aayain gay,
aur ye sab unki ghalati hai jo baithay intezaar ker rehay hain."
seema ne zich hoke kaha aur khari hogayi,usay uthtay howey dekh ke maha bhi khari hojati hai,usay seema ki shakal
dekh ke hi andaza hojata hai keh woh kuch aisa kerney ja rahi hai jo ghar mein toofan la sakhta hai.
"seema,tum kiya kerney ja rahi ho?"
"sach bataney."
seema ko jata dekh ke us key osaan khata honey lagtey hain.
"seema,ruko meri baat to suno."
"yeh lerki kahin kuch ziyada hi sach na bol de."
woh isi paraishan kun halat mein khari thi keh peechay se kisi ne usay salam kiya aur woh dar gayi.
"assalam-o-alykum"
"faraz,tobah hai,dara diya lerkey,walykum assalam."
"meri pyari baji,kyon dar rahi hain,meri mehbooba aap ka sach nahi bataye gi."
"itna yaqeen,kyon nahi bataye gi?"
"kyon ke woh sab kuch tor sakhti hai,per waada nahi tor sakhti."
maha ko uski baat pe hansi aa jati hai aur woh kaafi dair tak hansti rehti hai,aur woh apni behan
ko dair tak hansta howa dekhta rehta hai.
"hansti raha kerain baji,achi lagti hain."
usi waqt maha ki hansi ko break lag jatey hain.
"batameez na ho to,waisey aaj dair se kyon aay?"
"emergency case tha,mai fresh hoke ata hoon."
aisa kuch tha us ki awaz mein,jo maha thithak jati hai.
"isey kiya howa."
usi waqt maha ko tayi ji ki awaz aati hai,woh usay bula rahi theen.woh bhagi bhagi jati hai.
seema wahan baithi aik aunty se mukhatib thi,jo unke ghar mein kuch dino se mehmaan ki haisiyat se reh
rahi theen.
"dekhye aunty,aap humari mehmaan hain,to mehmaan hi ban ke rehain,aap ko.."
tayi ji ne usay aagay bolney se rok diya.
"Seema,tameez se baat karo."
"amma,tameez hi se baat ker rahi hoon,ager inki jaga koi aur hota to mai,mounh tor deti us ka."
"seema chup karo,kiya hogaya hai."
maha ne usay rokna chaha.
"chaand tumhay nahi pata,tum abhi aayi ho" aur aunty ki taraf dekh ke kehti hai.
"dekhye aunty,mai bhut aram se aap se keh rahi hoon,ye humarey ghar ka gharelo mamla hai,is liye is mein
dhakal andazi na kerain to behter hai."
phir apni ma se kehti hai.
"amma aap ager baba ko mana ker detin to waleed bhai ghar na chortey,mai aab bhi keh rahi hoon,ager woh
aaj nahi aay to kal bhi nahi aayain gay."
woh aunty jo aab tak khamoshi se baithi theen,ziyada dair khamosh na reh sakin.
"acha!!! to ye lerki manhoos hai,jabhi is ghar ka chiragh abhi tak nahi aaya,wohi to mai soochon."
"aunty zaban sambhal ke baat kerain,ager chaand ke khilaaf aap ne kuch kaha to mujh se bura koi nahi hoga.
seema ka pa'ara aasmaan ko cho gaya tha,is se pheley ke woh aur kuch kehti,baba ki awaz ne sab ko dehla diya.
"seema,ye kiya batameezi hai?aur aap rukhsana begum,apni beti ko khamoshi se ye hungama kertey dekh rahi
hain,aap se zara na howa aik thaper lagayain uth ke,kuch pooch raha hoon mai seema?"
"baba mai ne kuch nahi kiya,mai amma se keh rahi thi keh bhai ager aaj nahi aay to kal bhi nahi aaayain gay,
to aunty ne chaand ko bura bhala kehna shuru ker diya,jo mai berdasht nahi ker sakhti,ye humara personal matter
hai,ager amma aur aap nahi rok sakhtey,to mai ne inhay rook diya,ager ye aab bhi khamosh nahi rahin to mujh
se bura koi nahi hoga."
"seema chalo yahan se,baba aram se,mai isey le jati hoon yahan se,chalo..."
seema ka gussa asmaan se batain ker raha tha,is se pheley ke woh mazeed kuch bolti,maha usay wahan se taqreeban
ghaseet'tey howey le gayi.
"demaagh to kharab nahi hogaya hai tumhara,kis terha baat ker rahi thi tum."
woh usay wahan se kitchen mein le aayi aur khoob suna rahi thi.
"bas,tum acha banti raho,kaisey woh tumhay bura bol rahi theen."
"seema,baat acha ban'ney ki nahi hai,woh mujhay bol rahi theen na,bolney detin tum,kiya farq perta hai,aab woh dosrey gharon mein
ja ke tumhari burayi kerain gi ke rukhsana ki beti aisi hai,waisi hai,is terha rishtey nahi aatey,thora
berdasht kerna seekho."
"kisi ko farq parey na parey,per mujhay farq perta hai,koi tumhay ghalat kahey,koi tumhay bura kahey,
woh mai berdasht nahi ker sakhti,aur rahi baat rishtey ki,to woh lakh dosrey gharon mein
ja ke meri burayi kerain,mujhay perwa nahi,kyon ke mai already mansoob hoon,woh bhi us se jis se mai
mohabat kerti hoon,woh bhi mera saath dein gay,akhir mohabat jo hai,woh dosron ki baton mein nahi aayain gay."
usi waqt faraz us ke sar pe chapat laga ke kehta hai.
"sharam karo apney mangetar ke samney aisi batain ker rahi ho."
"ye kab aay aur tum ne mujhay bataya kyon nahi?"
"mujhay kiya pata ye peechay kharey hoke tumhari batain sunn raha hai."
"baji,jaldi se khana dijye bhook lagi hai."
"haan bas garam ker ke lati hoon."
"aap ko sharam nahi aati,chup chup ke meri baatein suntey hain."
"aab ye dono shuru hogay,pata nahi inka kiya hoga," maha ne faraz ke liye khana garam kertey howey khud se kaha.
"mai sunn thori raha tha,mai to dekh raha tha ke meri zindagi kitna acha bolti hai."
"faraz chalo khana khao."
maha usi waqt aake faraz ko khana deti hai.
"tum bata rehay thay keh koi emergency thi jo late aaye."
maha ne us se poocha,usay tha keh kuch howa zaroor hai hospital mein,jo faraz gumm summ hai.
"wah baji,itna acha pakaya hai,love u baji."
faraz ne aisey kaha jaisey us ne maha ki baat sunni hi nahi.maha usay dekhti reh jati hai.
"seema tum jao jaa ke so jao,mai samait doon gi sab."
"acha."
"tum bhi kuch ker liya karo."
faraz ne seema se kaha.
"faraz kiya hogaya hai,uski perhayi chal rahi hai,mai khud issay kuch kerney nahi deti."
maha ne faraz se kaha.
"sunn liya aap ne." seema ne faraz se kaha.
kaafi dair se maha dekh rahi thi keh faraz seema ko ghoor raha hai,akhir usay tookna para.
"faraz khana khao,kyon ghoor rehay ho?"
"ghoor nahi raha baji,nazer bhar ke dekh raha hoon."
maha usay dekhti reh jati hai aur dil mein kehti hai "kaash...."
"Ay Allah in dino ko dhair sari khushyan ata ferma,in dono ko nazer-e-baad se bacha,in dono ko apni
panah mein rakh Ameen."
"Seema kaafi dair hogayi hai,tum so jao jaa ke."
seema uth ke chali jati hai,saath hi faraz bhi khana kha ke uth jata hai.maha sara saman samait ke aur kitchen
saaf ker ke sehan mein aa jati hai.

****************To Be Continued****************
 

Wolverine

Platinum member
Vip & Excellent
Dec 10, 2018
1,432
1,881
2,313
Canada
Khulaasa:
  1. Taaya ji apne marhoom bhai k bachon ko ghar let aty hen, jin mein ek beti ha aur ek beta (Maha aur Faraz)
  2. Taaya ji k apne bhi 2 bachy hen, 1 larka aur ek larki (Waleed aur Seema)
  3. Taaya ji zabardasti apne bachon ka rishta krna chahty hen un dono behan bhaion se (yani vatta satta)
  4. Seema aur Faraz 2 jism ek jaan hen, gehri muhabbat me mubtala aur wo khush hojaty hen
  5. Waleed ko larki nahi pasand, wo kisi aur se muhabbat karta ha aur Maha ki wja se ghar se chala jata ha
  6. Taayi Ji ko bhi Maha nahi pasand apni bahoo k tor pe aur wo ghar aai kisi aunty se uski burai karti hen, aunty bhi aagy se Maha ko manhoos kehti hen aur Seema ye sun kar unko mu torr jawab deti ha
  7. Faraz ghar aata ha aur uski behan Maha khana garam kar k deti ha aur wo khatay hue Seema ko samne bitha kar dekhta rehta ha
****************To Be Continued****************

@Silent Heart Bohat umda tehreer ha, baraye meharbani aglay hissay bhi jald post kijiyega.
 

Mahiya

Most-active member
Writer
Feb 5, 2021
753
546
93
43
Karachi,Pakistan
Khulaasa:
  1. Taaya ji apne marhoom bhai k bachon ko ghar let aty hen, jin mein ek beti ha aur ek beta (Maha aur Faraz)
  2. Taaya ji k apne bhi 2 bachy hen, 1 larka aur ek larki (Waleed aur Seema)
  3. Taaya ji zabardasti apne bachon ka rishta krna chahty hen un dono behan bhaion se (yani vatta satta)
  4. Seema aur Faraz 2 jism ek jaan hen, gehri muhabbat me mubtala aur wo khush hojaty hen
  5. Waleed ko larki nahi pasand, wo kisi aur se muhabbat karta ha aur Maha ki wja se ghar se chala jata ha
  6. Taayi Ji ko bhi Maha nahi pasand apni bahoo k tor pe aur wo ghar aai kisi aunty se uski burai karti hen, aunty bhi aagy se Maha ko manhoos kehti hen aur Seema ye sun kar unko mu torr jawab deti ha
  7. Faraz ghar aata ha aur uski behan Maha khana garam kar k deti ha aur wo khatay hue Seema ko samne bitha kar dekhta rehta ha
****************To Be Continued****************

@Silent Heart Bohat umda tehreer ha, baraye meharbani aglay hissay bhi jald post kijiyega.
Wahh !! Aap to bhut dilchaspi se perh rehay hain .. Acha laga mujhay ... Pehli baar kisi ne is terha comment diya hai meri tehreer pe ..
Thank you ..
Ji Insha Allah aaj hi kerti hoon ... Edit kerna hai ... Bhut pehle likha tha ye novel To last jisey perhne ko diya tha us ne spelling mistakes ka kaha to soocha yahan post kerne se pehle perh ke spelings theek ker ke phir post karon ... So time lagay ga lekin koshish ker rahi hoon jald se jald post karon ..
Thank you ..
 

Mahiya

Most-active member
Writer
Feb 5, 2021
753
546
93
43
Karachi,Pakistan
Maha sofay pe baithi thi keh faraz us ke pas aa jata hai.
"aray,oper baitho,merey pass,neechay kyon baith rehay ho?"
"bas,aaj aap ke kadmon mein baithney ka dil ker raha hai."
"bhut nahi bolney lagay ho."
woh us ke balon mein haath phair rahi thi,aur sooch rahi thi keh aaj ye zaroorat se ziyada chup hai,
bulkey gumm summ hai.
"baji,merey ser mein ta'ail ki maalish ker dein gi,jab mai chota tha,bilkul waisey hi?"
"haan haan kyon nahi abhi lati hoon."
bhut arsey baad faraz ne koi fermaish ki aur maha khush hogayi.woh uthney hi lagi thi ke faraz ne haath
paker ke rok diya.
"mai le aya hoon baji,ye lein."
aur ta'ail ki bottle usay de daita hai,aur maha us ke ser mein maalish kerney lagti hai.isi terha kaafi
dair woh apna kaam kerti hai aur khamoshi chahyi rehti hai,is khamoshi ko faraz ki awaz toorti hai,jo
ansoowon se bhari hoti hai.
"baji,mai ne aap ko bataya tha na keh mai late kyon howa?"
"hmm."
"aik emergency case tha,aik aurat aayi thi,us ki nazer poora waqt derwazey ki taraf rahi,jaisey kisi
ka intezar ker rahi ho,mai check-up ke liye us ka chehra apni taraf kerta to woh phir apna chehra
derwazey ki taraf ker leti.aakhir mai ne poocha to woh kehney lagi,mai apney betay ka intezar ker rahi
hoon,jub tak woh nahi aay ga mai ilaaj nahi kerwaoon gi.baji woh aurat apney betay ka intezar kerti
rahi,per woh nahi aaya,aur woh us ke intezar mein mar gayi."
aik lamhay ke liye maha ka haath ruk gaya,us ki ankhon se bhi ansoo beh rehay thay.
"faraz.."
woh kuch kehney hi wali thi keh,faraz bachon ki terha uski goodh mein ser rakh ke roney laga,woh usay
chup karaney ke liye us ke ser pe haath phairney lagi.
"faraz nahi beta,nahi faraz,mera bhai,aisey nahi rootey,maa jub zinda thi,to usay qader nahi thi,aab woh nahi rahi,
to usay qader hogi,usay ehsaas hoga keh maa kiya hoti hai.bas rootey nahi buri baat aisey nahi rotey."
maha ko samjh nahi aa raha tha,keh woh kyon ro raha hai,aur woh bhi aisey jaisey us ka kuch kho gaya
ho,woh to bas usay chup karaney ki sa'ayi ker rahi thi,aur woh hitchkiyon se roye ja raha tha.
"baji mai aap ko kabhi bhi chor ke nahi jaon ga,kahin bhi nahi jaon ga,humaisha aap ke pas rahon ga,
mai aap se bhut pyar kerta hoon,bhut pyar kerta hoon."
"jaanti hoon mai,mera bhai mujh se bhut pyar kerta hai,bas aab chup ho jao,chalo utho mounh dho ja ke,
shahbash,koi dekhay to kiya kahey keh ye doctor hai?jo bachon ki terha ro raha hai,chalo shahbash jao,
mounh dho,aur ja ke so jao,subah phir jana hai na?"
faraz ne uthtey howey kaha
"koi kehta hai to kehta rehay,kiya doctor ke seeney mein dil nahi hota."
aur woh mounh dhoney chala jata hai.maha usay jata howa dekhti hai aur soochti hai
"to ye baat thi,jo ye aaj itna disturb tha."
*******************************************************
"Rukhsana,is aurat ko abhi aur isi waqt ja ke bolain keh ye apna saman pack karey,mujhay ye aurat
subah is ghar se bahir chahye,ager kal subah meri nazer in par per gayi,to mai khud hi inka saman utha ke bahar
phaink doon ga.
Seema aur maha ke jatey hi,woh aunty bhi chali gayeen aur bahar tak aati Taya ji ki awaz ko sunn ke
apney kamrey mein ja ke saman pack kerney lagi.aab Taya ji,tayi ji ko suna rehay thay,woh bhut bharam
howey thay,jis terha seema unhay sab bata rahi thi.
"haad hogayi begum,jab woh aurat beech mein bol rahi thi,to aap ko seema ko tookney ke bajaye us aurat
ko tookna chahye tha,ager aisa kertin to seema is terha ki zaban istemal na kerti,jo aaj mai ne suni.
aur ye kal mangni ka function hai humarey betey ka,aur in sahab ka abhi tak kuch pata nahi,kahan hai woh?"
"pata nahi,subah kuch bol ke nahi gaya."
kuch dair baad tayi ji phir bolti hain.
"sunye!!kahin seema sahi to nahi keh rahi,hum bachon ke saath ziyadti to nahi ker rehay?
aik baar phir sooch lein."
"Seema to khush hai na,aur woh lagti bhi hai,per waleed najaney kyon aisa ker raha hai,
maha jaisi lerki usay kahin bhi nahi miley gi."
"dhondhney kahan di,bas aap ne farmaan jari ker diya tha,keh maha aur waleed ki..."
"bas rukhsana,mai ne pheley hi keh diya tha,ye mera akhri faisla hai,aur mai aab bhi yehi kehta hoon.
maha jaisi lerki waleed ko kahin nahi miley gi,chahey woh poori duniya hi kyon na chaan le."
taya ji ye keh ker apney kamrey mein chaley jatey hain,tayi ji bhi unkey peechay kamrey mein aati hain.
"aap aik baar phir sooch letey?"
"bas bhut hogaya,kal ager woh nahi ata,jaisa keh seema ne kaha,woh persoon aya to mai aab in dono ki
mangni nahi,nikah kerwaon ga.to aap dua kijye,keh woh kal hi aa jaye,nahi to phir nikah ki tayari kijye,
dono soorton mein is ghar ki bahoo,maha hi banay gi,chahay woh kal aay ya persoon,ager persoon bhi nahi aya to mai samjh jaon ga,
keh meri sirf aik hi aulaad hai jo seema hai,beta kabhi tha hi nahi."
tayi ji ne ye sunn ke apna haath seeney pe rakh liya.
"ye kiya keh rehay hain aap,kis baat ki saza de rehay hain aap usay?"
"nahi rukhsana,mai koi saza nahi de raha,aur mai apney betey ko saza kyon doon.humara beta lakhoon mein aik hai,
fermanberdar hai,tum nahi jaanti,mai ne dekha hai,woh aaj kal kiya kerta phirr raha hai,jis lerki
ke saath woh aaj kal hai,woh lerki theek nahi,lekin waleed ki ankhon pe mohbaat ki pat'ti bandhi hai,
tabhi usay nazer nahi ata keh woh lerki kiya hai per mai jaanta hoon,woh beta hai mera aur usay rokna
mera farz hai."
"ye tareeqa theek nahi,hum usay pyar se samjha bhi to sakhtey hain."
"woh samjhaney aur samjhney ki kaifiyat se bhut door chala gaya hai,tumharey saamney hai,woh abhi tak
ghar nahi aya,dosra din shuru honey wala hai.rukhsana,mai uska dushman nahi,baap hoon uska,ager hum ne
usay roka nahi to aik din hum usay kho dein gay,bas mai ye nahi chahta,ager hum ne usay kho diya to hum jeetey
jee mar jayain gay.maha achi lerki hai,tum usay apni beti ki terha samjho aur dekho,to phir tum dekhna woh kitni
achi bachi hai,humain aur humarey waleed ko bhut khush rakhey gi,aik baar us nazer se to dekho."
Taya ji,ye keh ke,sooney chaley jatey hain,aur tayi ji sooch mein per jati hain.
*********************************************************************

Doosra din shuru hota hai,jo maha ke liye bhut khushi ka din hai,lekin waleed ka abhi tak kuch nahi
pata,aur woh dua ker rahi thi keh aaj woh aa jaye.
woh kitchen mein sab ke liye nashta bana rahi thi keh sab se pheley faraz aa gaya.
"assalam-o-alykum baji."
"walykum assalam,uth gay?neend achi aayi?"
"kyon nahi aay gi achi neend,akhir meri baji ne jo maalish ki thi ser mein,neend to achi aani hai,
jaado hai aap ke haathon mein."
ye boltey howey faraz parathon ki taraf haath berhata hai.
"faraz garam hai,parey hato,udher baitho mai le ke aati hoon."
maha ne faraz ke haath pe chapat lagatey howey kaha.
"jiyo baji,khush rahain,abaad rahein Ameen,i love u baji."
faraz ne apni pasandeeda khaney ki cheez dekhi to us se raha na gaya.
"acha bas,aab jaldi khao warna late ho jao gay."
itney mein seema bhi bhagi bhagi aati hai.
"aram se seema,aur late utho,aram se nashta karo baith ke insano ki terha."
"nahi nahi chaand,aaj late hogaya hai bhut,class miss hojaye gi."
seema chai pi ke,taqreeban bhagti sab ko Allah hafiz kehti howi derwazey ki taraf jati hai.
"seema, faraz chor de ga."
"nahi nahi mai chali jaon gi."
usi waqt faraz kehta hai.
"merey saath jatey howey sharam aati hai."
"ji nahi mujhay dair ho rahi hai,is liye,warna aap hi ke saath jati."
"sharam to aati nahi."
"chaand dekho na!!."
"Faraz,tang mat karo,nashta karo chup ker ke,seema tum jao,Allah hafiz,khayal se jana."
itney mein faraz bhi nashta ker ke uth jata hai.
"faraz,aaj jaldi aa jana."
"baji,aap aab bhi purumeed hain keh waleed bhai aaj aa jayain gay?"
woh aik nazer apney bhai pe dalti hai aur kehti hai
"haan faraz mujhay umeed hai."
aur woh apni behan ko dekhta reh jata hai.
*****************************************************************************************************
Dosra din bhi khatam howa,sab intezar kertey rehay,per waleed ko na ana tha aur woh nahi aya.seema ki
baat sach sabit howi.faraz ne hospital se phone ker ke maloom kiya,aur aab woh dair se aay ga.maha ko faraz
ke liye to jaagna hi tha,so woh akhir waqt tak waleed ka bhi intezar ker rahi thi.uski zindagi ka behtreen din,
us ki zindagi ka khushi ka din,sirf intezar aur umeed pe khatam howa.lekin woh aab bhi man'ney ko tayar nahi
keh waleed us se shidat se nafrat kerta hai aur sirf us ki wajah se ghar nahi aa raha.
teesra din phir umeedon ke saath keh shayad woh aa jaye,keh shayad seema ki baat sach hojaye,shuru howa.
sehan mein taya ji aur tayi ji baithay thay,maha kitchen mein dophar ke khaney ki tayari ker rahi thi,
seema college aur faraz hospital ja chukey thay.derwazey pe khatke ki waja se sehan mein baithay nafoos
ki tawaja wahan mabzool howi,waleed derwazey se ander aa raha tha,us ne salam kiya.
"assalam-o-alykum."
"walykum assalam,aagay aap,fresh ho ke aaye taakey zaroori baat ker sakein."
waleed fresh honey chala jata hai,maha aik aur faisley ki muntazir.tayi ji,apney shohar ke aik aur faisley
aur inkeshaaf ki muntazir.akhir waleed aya,taya ji ne maha ko awaz di,taakey jo faisla woh kerney ja rehay hain,
us mein usko bhi shareek kiya jaye.
"chaand,beta aap bhi aa jao."
"ji baba, aayi."
maha ne aik nazer waleed ke chehrey pe dali,jahan usay filwaqt sakoon nazer aa raha tha.us ne usay salam
kiya.
"assalam-o-alykum."
waleed ne na usay dekha aur na hi us ke salam ka jawab diya.
"salam ka jawab to de do bachi ko,koi qayamat nahi aa jaye gi."
taya ji ne waleed ko daant'tey howey kaha,waleed ko na chahtey howey bhi jawab dena para,lekin us ne maha ko na dekha,
jawab deney ke baad woh apni haathon ki ungliyon se khailney laga,maha ne pheley us ke haathon aur phir
us ke chehrey ko dekha wahan aab bhi sakoon tha.
"waleed,tum batana pasand karo gay keh ye do din kahan thay,kal tumhari mangni ka function tha?"
"baba office mein zaroori kaam aa gaya tha is liye."
"jhoot boltey ho tum,aisa kiya kaam tha keh tum ghar phone ker ke itlaa na de sakay.dekh rahi ho rukhsana,
ye,ye humara beta,humain bewaqoof samjhta hai."
"baba,baba,please aram se aap ki tabiyat kharab hojaye gi,aap baithye mai paani lati hoon,aap ke liye."
taya ji ik dum gussay mein aa gaye,ager maha na rookti to un ki tabiyat kharab honey ka khadshah tha.woh paani
leney ke liye uthi,lekin unho ne mana ker diya.
"baith jao chaand,mujhay kuch nahi howa."
"aap aram se baat kerain,woh samajh jaye ga."
tayi ji ne apney shohar se kaha,is pe taya ji ne unhay aisi nazeron se dekha keh woh sherminda hogayin.
"aab chahey tum sach bolo ya jhoot,mai ne aik faisla kiya hai,is jummay ko tumhara maha ke saath nikah hai,tayari ker lo,
ager is baar tum ne ghar chora,to yaad rakhna mai samajh loon ga,mera koi beta nahi,sirf aik beti hai seema,
yaad rakhna."
taya ji apna faisla sunna ke chaley jatey hain,aur sehan mein baithay ye teen nafoos apni apni jagah sakit.
waleed ik dum se uthta hai,maha dar ke us ki taraf dekhti hai keh najanay woh kiya kerney ja raha hai,
lekin waleed aik nagawaar aur zehar bhari nigah us pe daal ke kursi ko thoker maar ke apney kamrey mein chala jata hai.
woh tayi ji ki taraf dekhti hai,lekin un ke chehrey pe usay kuch nazer nahi ata,woh khamoshi se uthti hain,
bagair us ki taraf dekhay chali jati hain.maha wahan baithay baithay soochti hai keh us ka naseeb kiya hai?
woh,jis se ye mohabat kerti hai ya kuch aur? woh uth ke kitchen mein aa jati hai.
"assalam-o-alykum,kiya yaar tum har waqt kitchen mein hi paayi jati ho,kahin aur bhi nazer aa jaya karo."
maha apni soochon mein itni mehv hoti hai keh seema kab aayi usay pata na chala.
"tum kab aayi?jao ja ke fresh ho jao mai khana lagati hoon."
woh fresh honey chali jati hai,aur maha apney khayalon mein gumm us ke liye table pe khana lagati hai.
"aaj to itni germi hai keh bas,aik do teachers bhi nahi aay thay,hum lerkiyan to cafe mein hulla gulla kertey rehay."
"tum kab aayi?mujhay pata hi nahi chala,kiya keh rahi ho?kuch keh rahi thi tum?"
seema ko uski dimagi halat pe shak howa,usay kuch gerber ka ehsas howa.
"kiya baat hai chaand?tumharey saamney hi to mai aayi hoon,idher dekho meri taraf,kiya baat hai?mai...
mai faraz ko phone kerti hoon."
"nahi seema,usay paraishan mat karo,baith jao,mai batati hoon."
kuch dair ki khamooshi ke baad maha usay batati hai.
"woh wapis aa gay hain."
"kon,waleed bhai?"
"haan,aur baba ne faisla sunna diya hai,is jummay ko humara nikah hai,baba ne un se keh diya hai,
keh ager unho ne ghar chora to baba samjh lein gay keh unka koi beta nahi,sirf aik beti hai seema."
"kiya?oh God!!"
seema ye sab sunn ke sakit reh jati hai,aur aik baar phir khamooshi chah jati hai.
***********************************************************************
 

Wolverine

Platinum member
Vip & Excellent
Dec 10, 2018
1,432
1,881
2,313
Canada
Part 2 Khulaasa:

  • Faraz jo k ek doctor ha, apni behan Maha ko btata ha kese hospital mein ek aurat apne betay k intezar mein foat hogyi aur dono behan bhai mil kar khoob rotay hen.
  • Taya ji bahir se oonchi awaz mein Taayi ji ko kehty hen wo mehmaan aurat jis se Seema ne badtmezi ki thi, subah har soorat apne ghar wapis chali jaye.
  • Waleed sahab jo abhi tak ghar nahi aaye, kal unki Maha se mangani ka elaan ho chuka ha. Aur Taaya ji kehty hen agar wo parson aya to seedha Nikaah hoga, aur agar parson bhi na aya to wo samjh jayengy Waleed kabhi unka beta thaa hi nahi aur wo kisi soorat Waleed ki apni pasand ki larki se uski shaadi nahi karengy.
  • Agla din shuru hota ha aur Maha apne bhai Faraz ko nashta deti ha. Seema bhi aa jati ha aur nashta kiye bagher college chali jati ha kahin class na miss hojaye. Waleed ka abhi tak koi suraagh nahi.
  • Kuch der baad Taya ji sehan me bethy hoty hen Tayi ji k sath aur Waleed aa jata ha. Taya ji Maha ko bula kar Waleed ko fesla sunaty hen Jummay ko uski Maha k sath shadi ha aur sab log khamoshi se uth kar chalty jaty hen.
  • Seema college se aati ha aur Maha usko ye baat btati ha, phir se khamoshi chaa jati ha.

***********************************************************************
 

Mahiya

Most-active member
Writer
Feb 5, 2021
753
546
93
43
Karachi,Pakistan
"Seema ye khush nahi hai."
is khamoshi ko maha ne toora,aur apney dil pe haath rakh ke seema se kaha.woh us ke chehrey ko dekh rahi
thi,jahan ankhon mein usay ansoo ki jagah,weerani nazer aayi.
"chaand!"
"jaanti ho kyon?"
maha ne jaisey seema ki awaz hi nahi suni.
"kyon ke woh khush nahi.ye dil bhi ajeeb hai,jis ki chahat rakhta hai,woh isey mil raha hai,per dekho ye
phir bhi khush nahi.mohabbat jo kerta hai kaisey khush reh sakhta hai,us ka mehboob jo khush nahi."
seema ko us ki dimagi halat pe shak honey laga,usay laga woh pagal hojaye gi,ager aisi hi batain
kerti rahi,us ne faraz ko phone ker ke ghar bula liya.
"seema tumhari baat ka mujhay aab bhi yaqeen nahi,lekin dekho,ye dil phir bhi khush nahi,isey to khush hona
chahye na?"
"chaand!khuda ke liye chup hojao,kyon is terha ki batain ker rahi ho?"
"mai ne un se shidat se mohabbat ki,per woh mera naseeb nahi,mager mai unki khushi mein khush hoon.woh
ager kisi aur ko pasand kertey hain,to mai khamoshi se unki zindagi se door chali jaon gi aur un ki
khushiyon ke liye dua karoon gi,per dekho na.."
"chaand!please chup hojao please,kyon is terha ki batain ker rahi ho?"
"mai to chup hi hoon seema,mai kahan kuch bol rahi hoon,ye to mera dil bol raha hai.chalo aao khana khatey
hain,sab ko bula lo."
"chaand!tum theek to ho na?"
"haan bilkul theek hoon,mujhay kiya howa hai.kuch hona tha kiya?"
"nahi,tum khana lagao,mai bulati hoon sab ko."
khana khamoshi se khaya gaya,sirf seema thi jo paraishan thi,baar baar uski nazer derwazey pe uthti.
"faraz abhi tak nahi aay,pata nahi kahan reh gay hain."
seema ne soocha aur phir sab ke uth janey ke baad maha ke saath table se khaney ke bertan uthaney lagi.
sab apney apney kamrey mein aram kerney ki garz se chaley gay,siwaye seema aur maha ke.seema kitchen saaf ker
rahi thi aur maha bertan dho rahi thi,keh usi lamhay waleed kitchen mein aya aur maha ko mukhatib ker ke kaha..
"chaand!merey kamrey mein aao abhi aur isi waqt."
"ji."
maha,seema ki taraf dekh ke andaza laganay ki koshish kerti hai keh kyon bulaya hai.
"mujhay kiya pata tum ja ke dekho,pata nahi kiya kehna chahtey hain,kahin mohabbat ka izhaar na ker dein."
seema ne us ka mood khushgawar kerney ki khatir kaha.
"acha aab batameezi na karo."
maha ser pe duppatta rakh ke,ghabrayi howi si halat mein,waleed key kamrey ka derwaza khatkhatati hai.
"aa jao."
"dekho chaand,tumhay andaza to hogaya hoga keh mai ne tumhay yahan kyon bulaya hai."
maha chahney ke bawajood apni nazrein utha ke uski taraf na dekh saki.us ne kabhi bhi waleed ke samney
apni nazrein nahi uthayein,woh jab bhi aata,ser pe jamay jamaye dupattay ko bhi naye sirey se ser pe
tikaanay lagti.jab woh aata to aisey ghabrati,jaisey abhi us ke ser pe kharey ho ke us se mohabbat ka izhar
kerwaye ga.aur aaj to us ki halat kharab ho rahi thi,dil aisey dharak raha tha,keh abhi aur isi waqt bahir aa jaye ga.
apney dupattay ko baar baar ser pe sahi kerti,pankha chalney ke bawajood,usay paseeney aa rehay thay.
us ki samjh mein nahi aa raha tha keh woh kiya keh raha hai.
"tum samjh rahi ho,mai kiya keh raha hoon?"
"ji."
"aik to tumhara "ji" mujhay zehar lagta hai.dekho chaand mai tum se shadi nahi kerna chahta.pheli baat,
tum mein aisi koi baat nahi jo mai tumhay pasand karoon ya tumhay dekh ke merey dil ne kabhi nahi kaha
keh haan yehi woh lerki hai jo tumhari zindagi ko bahar bana de gi.ye sharam-o-haya,ye ghabrahat,ye
nazrein jhukana,mujhay aisi lerkiyan achi nahi lagtin,mujhay bold lerkiyan pasand hain,jo apni mohabbat
ka izhar kerna janti ho,jo nazron se nazrein mila ke baat kerti ho,youn tumhari terha ghabrati na ho.
aur dosri baat is ghar mein tumhara wajood,tumhara baba ke agay peechay phirna,unki khidmat kerna.jab
se tum is ghar mein aayi ho,baba tumhari har baat maantey hain,jaisey tumhi ho unki aulad,mai aur seema
kuch nahi."
"aap ko ghalatfehmi howi hai,baba aap dono se bhut pyar kertey hain."
"ye meethi meethi batain tum unhi se kiya karo,mai in baton mein nahi anay wala,andha nahi hoon mai.
jab se tum is ghar mein aayi ho,tab se is dil mein tumharey liye sirf nafrat hai,sirf nafrat.baba ko
nazer nahi aata najaaney tum ne un pe kiya jadoo ker diya hai.per mai ne dekha hai,un ke agay peechay kyon phirti ho tum?
unki khidmat kyon kerti ho tum?is liye sirf is liye keh tumhay ye ghar aur ye jaidad chahye."
maha ye sunn ke sakit reh jati hai,us ki ankhon se ansoo behnay lagtey hain,jo woh kab se rookey khari thi.
woh waleed ko aisey dekhti hai,jaisey woh waleed nahi koi aur ho.aaj maha ko maloom howa,ke woh us se
itni nafrat kerta hai keh uski khidmaton ko woh lalach samjh raha hai.haanlakey us ke dil mein siwaye
mohabbat ke aur kuch nahi.woh aik pal bhi yahan nahi teharna chahti thi,is liye jaaney ke liye murr gayi.
lekin waleed ne us ka haath paker liya,aur is mazbooti se pakra ke us ke haath mein takhleef honey lagi.
"mera haath chorein."
"kyon choron?tumhay takhleef,azyat aur ansoo deney ke liye hi to ye haath pakra hai,aur haan,baba se
inkaar karo gi to kuch na kuch to mu'uavza chahye hoga tumhay,to ye lo kuch rakam."
waleed ne drawer mein se kuch rakam nikal ke maha ke haath pe rakhi,maha shishder se usay dekhti rahi
aur apna haath churanay lagi.aab usay takhleef nahi horahi thi keh usnay kis kader mazbooti se
us ka haath pakra hai,aab usay sirf is baat ki takhleef thi keh us ke samney woh shaks khara hai,jisey woh toot
ke chahti hai aur jo us se buri hadd tak badgumaan hai aur shadeed nafrat kerta hai.
"chorein mera haath,choorein mera haath,mai kehti hoon choorein mera haath."
usney apna haath aisey zor se churaya keh us ke haathon ki chooriyan toot ke bikher gayeen aur kuch is ki kalayi mein ghoonp
gayeen,jahan se aab khoon rusney laga tha,lekin usay kisi baat ki perwah nahi thi,lekin waleed khoon dekh ke
ghabra gaya tha.
"chaand,tumharey haath se khoon.."
lekin maha ne kuch suna nahi.
"bhut garoor hai na aap ko in paison ka,kisi ki mohabbat aur khidmaton ko lalach samjhtey hain.sambhalye
inhay,apna sadqa utaar ke gareeboon mein baant dijye ga,duayain dein gay."
maha ne woh rakam waleed ke mounh pe phainki aur jaaney lagi.
"aur aik baat aur,mera naam maha hai,ainda maha ke naam se pukarye ga,aur zindagi mein kabhi merey samney
mat aaye ga kahin kuch bura na hojaye mujh se."
aur kamrey se chali jati hai.neechay faraz khara kab se,seema se pooch raha tha aur seema ne usay bataya
keh waleed bhai ne chaand ko apney kamrey mein bulaya hai,aur baba ka faisla bhi bata diya.maha ko aata
dekh ke faraz aur seema us ki taraf berhtey hain,lekin woh unhay nazer andaz kerti apney kamrey mein chali jati hai
aur almaari se apna saman nikal ke pack kerney lagti hai aur faraz se kehti hai.
"faraz apna samaan pack karo,hum abhi aur isi waqt ye ghar chor ke ja rehay hain."
faraz aur seema ye sunn ke hairat se aik dosrey ki taraf dekhtey hain.
******************************************************************

"baji howa kiya hai,bataye to?"
"chaand,kiya kaha waleed bhai ne?"
"mujh se kuch mat poocho,mai nahi bata sakhti,faraz jao aur apna saman pack karo."
"aap jahan kahain gi,mai aap ke saath chalon ga,lekin aap ko batana hoga keh baat kiya hai."
"zid mat karo faraz,please."
"aap ke haath se khoon bhi nikal raha hai,bataye kiya howa hai,waleed bhai ne kiya kaha,aap ko
meri .."
"nahi,faraz kasam mat dena."
aakhir faraz ne aik aisi baat soochi,jis se usay poora yaqeen tha keh maha aab zaroor bataye gi,us ne
aik nazer seema ko dekha,woh usi ki taraf dekh rahi thi.faraz ki aankhon mein kuch aisa nazer aya,jaisey
woh kuch aisa kehney ja raha hai,jis pe chaand ka reaction kuch bhi hosakhta hai.
"theek hai baji,aap nahi batana chahti na batayain,lekin meri aik baat sunn lein."
jahan maha ka haath kaam kertey howay ruka,wahin seema ke dil ki dharkan bhi thamney lagi,woh dono faraz ki
taraf mutawajah howay.
"jaaney se pheley mai seema se apna har rishta toorta..."
us ki baat mukamil honey se pheley hi maha ne usay aik thapar mara.faraz to hairat se ga'ang reh gaya
aur seema ki halat bhi taqreeban aisi hi thi.woh dono hairat se maha ko takney lagay,jo aab ro rahi thi,
aur apney haath zor zor se table pe maar rahi thi,jaisey apney aap ko saza de rahi ho.woh dono us ki
taraf,usay rokney ke liye berhay.
"baji please na kerain aisey."
"chaand khuda ke liye,kiya ker rahi ho."
"baji idher aye,yahan baithye."
"seema,first-aid lao kamrey se."
"ji mai laati hoon."
seema ye kehtey howey first-aid leney chali jati hai,itney mein faraz usay bed per bitha deta hai aur
khud us ke kadmon mein baith jata hai aur us ke haath se bachi howi chooriyan utaarta hai.
seema box le aati hai aur usay deti hai.
"kyon saza de rahi theen aap apney aapko?aap ko haq hai baji,aap maa hain meri,beta hoon mai aap ka,phir
kyon?mujhay to hasrat hi rahi keh mai kabhi koi aisi baat karoon keh aap mujh se naraz hojayain,koi aisi
baat jis pe aap ka haath uthay,mujhay maarney ke liye,koi aisi zid jis pe aap gussa hoon,lekin mai
ne aap ko na haath uthatey dekha,na naraz hotey,na gussa hotey dekha,haanlake mai aap ko kitna taang
kerta hoon."
woh bolta ja raha tha aur maha ke haath ke zakham ko saaf kerta ja raha tha.seema bhi wahin thi aur
maha ke saath ro rahi thi.
"jab bhi ghar ke liye aa raha hota hoon,raastey mein kitney hi bachay apney maa baap se zid ker rahay hotey,
unhay hasrat se dekhta hoon,zid kertey dekhta hoon,unki maa ko gussa hotey dekhta hoon,to mujhay baikhtiyar
aap yaad aati hain,keh mai aap ko kitna tang kerta hoon,per aap ne kabhi mujhay kuch nahi kaha.lekin
aaj mai itna khush hoon,keh kaash ye baat mai pheley keh deta to hasrat nahi rehti."
"pagal."
maha ne faraz ke aik chapat lagayi aur ansoowaon ke dermiyan hans di.
"dard to nahi ho raha baji?thora sa hoga,chooriyon ke kaanch aap ki kalayi mein thay,mai ne nikal ke
patti ker di hai."
"nahi ho raha dard,iam sorry faraz mai ne.."
"nahi baji nahi,mai ne kaha na aap ko haq hai.aap ne mujhay maa,baap,behan,bhai,dost,sab ka piyar diya,saarey rishtey diye
mujhay bahir dhondhney ki zaroorat hi mehsoos nahi howi.mai aap se bhut bhut pyar kerta hoon baji,
aap ke liye apni jaan de sakhta hoon lekin aap ki ankhon mein ansoo nahi dekh sakhta.aap ko
khush dekhna chahta hoon aur us ke liye,mai kuch bhi ker sakhta hoon."
"nahi faraz,rishtey nahi tora kertey,merey liye tum apni zindagi ko khud se alag ker do gay,tumhari
baji khudgarz nahi hai jaan."
aur phir maha,faraz aur seema ko sab kuch bata deti hai,ye jaaney bagair keh ye sab sunn ke faraz ka
reaction kiya hoga.
"faraz,kahan ja rehay ho?"
faraz ko jata dekh ke maha dar jati hai.
"waleed bhai ke pas."
"nahi faraz,meri baat suno,please beta meri baat suno.seema usay roko,seema tum sunn rahi ho usay roko."
"mai nahi rokon gi chaand jaaney do,koi to sach bolay ja ke."
"tum log pagal hogay ho."
maha khud usay rokney chali jati hai,aur jab tak woh kamrey mein phunchti hai,faraz waleed ko bata
raha hota hai.
"aap ne acha nahi kiya waleed bhai,meri behan ko beizzat ker ke aap ne acha nahi kiya.aap bhut
pachtayain gay jab aap ko pata chaley ga,keh aap jis ghar mein,aur is ghar ki jis zameen pe aap kharey
hain,woh kis ki badoulat hai to aap ke pairon taaley se zameen sarak jaye gi.jis ki badoulat aap yahan hain,
woh aap se bhut moh.."
usi waqt maha aa key usay rok deti hai,is se pheley ke woh apni baat mukamil kerta,apni behan ki awaz sunn
ke chup hogaya.
"nahi faraz nahi."
"aab bhi nahi baji?"
"haan aab bhi nahi,aab kabhi bhi nahi.chalo yahan se,apna saman pack karo,chalo faraz please."
aur maha usay wahan se le jati hai.waleed soch mein per jata hai,keh faraz aisa kyon keh raha tha,is
ghar aur is zameen ke mutaliq.itney mein faraz aur maha apna saman pack ker ke jaaney lagtey hain.
taya ji ke kamrey mein,seema,taya ji aur tayi ji mojood hotey hain,seema ne in dono ko sab kuch bata diya tha.
faraz aur maha ko dekh ke woh sab apni jaga se kharey ho jatey hain.taya ji maha ke pas apney dono haath joor ke maafi maangtey hain
"beta mujhay maaf ker do."
"nahi baba aisa mat kerain,ayain yahan baithain."
"baba mai faraz,hum dono ko aap se ya kisi aur se koi shikayat nahi.per baba mai yahan nahi reh sakhti,
aap samjh rehay hain hai na,keh mai yahan kyon nahi reh sakhti?"
"haan beta."
"to bas baba,maafi mat maangain.aap hum se baray hain,humaray maa baap jaisey,aur maa baap bachon se maafi nahi
maangtey,un ke ser pe haath rakhtey hain,unhay duain detey hain,hai na baba?"
"haan beta."
"aap apna khayal rakhye ga,dawayain waqt per lijye ga aur gussa bilkul nahi.seema,mai ne baba ki
dawayain yahan side table ke drawer mein rakhi hain,unhay time pe deti rehna."
maha ne tayaji ke saath saath seema ko bhi samjhaya.
"acha baba hum log chaltey hain,tayi ji,seema meri amanat hai aur aik din mai isey leney aaon gi,
meri amanat ka khayal rakhye ga aur hum dono se koi ghalati ya bhool hogayi ho to humain maaf ker dijye ga.
chalo faraz! Allah Hafiz."
maha ne tayaji ke saath tayi ji ko bhi Allah hafiz kaha aur seema ke mutaliq bhi yaqeen dehani kara di
ke woh amanat hai humari.jab woh aur faraz jaaney lagay to taya ji ne maha se aik aisa sawal kiya ke
maha ki dharkan tham si gayi aur ankhon mein ansoo anay lagay.faraz ne usay sambhala aur bechaini se
jawab sunay ke liye apni behan ki taraf dekha,yehi haal seema,taya ji aur tayi ji ka bhi tha.
"chaand!!beta,kiya tum aab bhi waleed se mohabbat kerti ho?"
"mohabbat kerti thi baba,kerti thi,aab is dil mein unkey liye koi jagah nahi."
itna keh ke maha agay berh jati hai aur faraz us ke peechay.ye sunn ke taya ji,seema aur tayi ji
sakit reh jatey hain.
********************************************************************************************

"bulao usay,mujhay baat kerni hai uss se."
taya ji ki dhaar ne ghar mein chahye sakoot ko toora,seema ghabra ke unke paas aayi.
"nahi baba,aram se ,aap ki tabiyat kharab ho jaye gi,please baba gussa nahi please."
"nahi seema,aaj kuch bhi hojaye mai bataon ga ussay ke usney kisay khoya hai,bulao ussay."
seema jaldi se waleed ko bulaney chali jati hai.
"baba bula rehay hain aap ko."
seema ye keh ke usay dekhney lagti hai.
"aa raha hoon...aisey kiya dekh rahi ho?"
"aap ke chehrey ko dekh rahi hoon,un ke jaaney ke baad aap ke chehrey pe kiya aaks hain,khush hain,
udas hain ya phir fiker hai,per yahan to kuch bhi nahi,khair jaldi aaye baba ko baat kerni hai aap se."
seema aur waleed aik saath kamrey mein dakhil howey.waleed ko dekh ke tayaji apni jagah se uthay aur us
ke pass jake usay aik thaper mara aur garaiban paker ke us se jawab talab ker rehay thay.seema unhay
rokney ki koshish mein halkan hogayi thi.
"jawab do mujhay kyon kiya aisa,kyon waleed kyon?"
"please baba please aram se."
"poocho apney betey se rukhsana,ye humain kis baat ki saza de raha hai,hum ne kiya gunah kiya jo aaj is
ne humain undono ke samney sharminda ker diya,poocho is se."
"jawab do waleed kyon kiya aisa?"
taya ji ke baad aab tayi ji ne bhi us se jawab talab kiya,per woh khamosh raha,us ne kuch nahi kaha.
akhir taya ji ne usay sab batana shuru kiya.
"bhut paisa hai tumharey pas,bhut paisa jo tum youn sab ki khidmaton aur mohbaton kay silay detey ho.
bhut pachtao gay waleed bhut pachtao gay.aray us lerki ne tumhara kiya bigara tha,sirf mohabbat hi to ki
thi,tum se mohabbat to nahi maangi thi us ne,jo tum ne us ki beizzati ker di.duniya ghoom lo,kahin bhi
chaley jao,per mai ye baat daway ke saath keh sakhta hoon ke us jaisi lerki tumhay kahin nahi miley
gi."
waleed apney baap ko aisey dekhney laga jaisey us ne koi anokhi baat sunn li ho.usay apney aas pass yehi
alfaaz sunayi de rehay thay keh "sirf mohabbat hi to ki thi tum se."
"ye jo tum is ghar ki cha'att ke neechay kharey ho aur is ghar ki zameen pe jo tumharay kadam hain,ye
kis ki badoulat hai?"
waleed sawaliya nazron se dekhney laga.
"ussi ki badoulat jissey tum ne beizzat kiya hai,ager woh apna zewar na baichti to aaj hum serkon ki
khaak chaan rehay hotey.business mein paison ka ghapla hogaya tha,mai to ye ghar girwi rakh raha tha,
per chaand ne mana ker diya,aur apna sara bacha kucha zewar mujhay de diya keh mai is ka kiya karoon gi
aap baich dein.mai mana kerta raha per woh nahi maani.us ne aaj tak mujh se kuch nahi ma'anga,us ne
sirf diya hai,faraz ko,seema ko,mujhay,tumhari maa ko aur is ghar ko,mai usay paisa deta to woh yehi kehti
baba mai kiya karoon gi,aap faraz ki fees to detey hain,bas merey liye bhut hai,usay chooriyan pasand hain,
lekin us ne kabhi paisey nahi ma'angay ke baba kuch paisey de dein chooriyan leni hai.per tum ne,waleed
tum ne,aik lamhay mein us ki mohbaton aur khidmaton ka sila de diya,mai is arsey mein usay kuch na de
saka aur tum ne aik lamhay mein.usay paisey chahye hotey,ye ghar,ye jaidad chahye hoti to woh ye le ke
jati,per woh to kuch nahi le ke gayi kuch bhi nahi.per tumhay kiya,faraz chahta to seema se apna rishta
tor ke jata,per nahi jaantey ho kyon?chaand ki wajah se,us ki terbiyat ki wajah se.us ne faraz ko maa,baap,
behan,bhai,dost har rishtey ka pyar diya,chaand ne usay rishtey toorna nahi,joorna seekhaya hai.per tumhay
kiya,koi jiye ya marey,kisi ka dil tootey ya ghar ujrey,chahay woh tumhari behan ho ya maa baap."
waleed aab afsurda tha,sab sunnay ke baad usay pata chala keh faraz is ghar ki baat kyon ker raha tha.aab
usay ehsas howa keh maha us se mohabbat kerti thi,us ka ghabraya howa chehra us ki nazron ke samney ghoom gaya.
"baba.."
"rukhsana,iss se kaho,ye meri nazron ke samney se chala jaye."
"baba please mujhay..."
waleed rota howa unkey kadmoon mein baith gaya,per taya ji tis se mis na howey.
"aik baar baba mujhay maaf ker dein,mai aap se wada kerta hoon,mai un dono ko aap ke pass aik din zaroor laon ga
please baba please mujhay maaf ker dein."
"waleed mujhay sambh.."
"baba..."
seema aur tayi ji ki cheekh ne usay oper dekhney pe majboor kiya.aik lamhay ki dair hojati to woh zameen pe girtey,
lekin waleed ne unhay apney mazboot bazoaon mein thaam liya aur foran gaari mein daal ke hospital le gaya.hospital
ke corridor mein woh teeno apni apni jagah paraishan thay.seema,apni maa ko sambhaley howey thi aur waleed
in dono ko.doctor ko ata dekh sab apni jagah alert hojatey hain.
"minor attack tha,Allah ka shuker hai aab khatrey se bahir hain,hosh mein anay ke baad aap sab un se mil sakhtey hain."
un teeno ne sukh ka saans liya,waleed ne seema aur apni maa ko sambhala .seema us ke seeney se lag ke ronay
lagi.hosh mein anay ke baad waleed kamrey mein jata hai aur apney baba ka haath thamta hai.
"baba,mujhay maaf ker dein mai ne maha ko pehchan'nay mein bhut bari ghalati ker di,mai un dono ko aik din
dhoondh ke pass laon ga.bas aap jaldi se theek hojayain,humain aap ki zaroorat hai."
taya ji ne ankhain khol ke apney betey ko dekha aur muskura diye.aik haftey hospital mein rehney ke baad
doctors ne unhay discharge ker diya.ghar aake sab khamoshi se apney apney kamrey mein chalay jatey hain.
sab maha aur faraz ki kami mehsoos ker rehay thay.
********************************************************************************************************
do(2) saal guzer gaye.taya ji ki sehat aab kaam kerney ki ijazat nahi deti,is liye woh ghar pe rehney lagay,
aur koi na koi kitaab perhtey ya maha aur faraz ko yaad kertey.tayi ji ki sehat bhi aab theek nahi rehti
aur aab woh aksar-o-baishter maha ko yaad kertin aur roti rehtin keh kis terha maha ne sab kuch sambhala
howa tha.seema ki perhayi mukamil ho chuki thi.aab woh ghar ko sambhalti aur apney maa baap ki khidmat kerti.
farig waqt mein woh maha aur faraz ko yaad kerti.waleed office ke liye jata to raat ko dair se ata.pichley
do saal mein us ne undono ko har jagah taalash kiya lekin woh kahin nahi miley.woh har waqt aab maha ko
yaad kerta rehta,kabhi woh usay kitchen mein kaam kertey howey nazer aati,kabhi kamrey mein,kabhi kaprey
press kertey howey.kabhi us ka ghabraya howa chehra us ki nazron mein ghoom jata,kabhi us ki jhuki howi
nazrein,kabhi ghabrahat mein usay dekh ke apna jama jamaya duppatta sahi kertey howey.go keh woh roz isi
soorat-e-haal se guzerta,lekin kabhi us ne apney aap se,ye nahi kaha keh usay ishq hogaya hai.per aaj
najanay kiya howa ke woh,raat mein aasmaan pe chaand ko dekh ke kehney laga..
"mai aik din tumhay dhoondh loon ga aur jis din tum mujhay mil gayeen,us din mai tumhay bataon ga ke mai tum se ishq
kerney laga hoon.haan maha mai tum se ishq kerta hoon."
ye sab taya ji waleed ke kamrey ke pas se guzertey howey sunn letey hain aur un ke chehrey pe muskurahat
aajati hai.
***********************To Be Continued*******************
 

Mahiya

Most-active member
Writer
Feb 5, 2021
753
546
93
43
Karachi,Pakistan
"faraz uth jao aab,hospital ke liye dair ho jaye gi."
"sooney dein na baji."
"bas uth jao."
"meri pyari baji,thori dair aur."
"is thori dair aur ke chakkar mein late ho jao gay."
ye roz ka mamool tha.maha usay isi terha roz uthati thi aur nateeja woh late hojata aur rush drive ker
ke hospital phunchta.
"faraz tum dono ne mujhay tang ker ke rakha hai,aik woh nashta nahi ker rahi aur dosra tum uthnay ka
naam nahi le rehay.bas bhut hogaya,aab uth jao faraz,aab mai uthanay nahi aaongi aur nashta bhi garam
nahi miley ga."
"uth ja faraz,nahi to baji aaj sach mein naraz hojayain gi."
akhir faraz ye kehtey howey uth gaya.
"ye acha nahi hai,mujhay nahi khana."
"sana,zid mat karo,nashta khatam karo jaldi se."
"mum'ma,ye acha nahi hai."
"buri baat hai jaan,aisa nahi kehtey,sab acha hota hai,sab khatey hain,chalo mai khilati hoon aap ko."
woh khush hojati hai.
"ji,I love you."
"mum'ma ke hathon se khana tha is liye ye dramey bazi ho rahi thi."
"assalam-o-alykum."
usi waqt faraz ata hai,per maha koi jawab nahi deti aur us ka nashta leney chali jati hai.woh sana se
poochta hai.
"kiya howa,mum'ma naraz hain?"
"mamoojaan aap bhi haad kertey hain,mum'ma kab se aap ko utha rahi hain,aap uth hi nahi rehay."
"sorry mum'ma."
"faraz.."
"dekhain mum'ma,mamoojaan ne kaan bhi pakrey hain,maaf ker dein."
"seedhay baitho aur nashta karo."
maha ne usay nashta detey howey kaha.
"faraz,tum jaantey ho sana ko school bhi chorna hota hai,aur tum itni rush drive kertey ho ke bas.kitna
bolti hoon jaldi uth jaya karo,taakey late na ho,tumhari is rush driving se mujhay dar laga rehta hai,
kab sudhro gay tum."
"baji aap to bas darti rehti hain,kuch nahi hota."
'mamoojaan jaldi kerain,dair ho rahi hai."
"haan beta bas chalo."
"sana, jaan lunch poora kerna."
"ji mum'ma i will,love you Allah hafiz."
"Allah hafiz guriya.faraz khayal se jana aur ahista gari chalana aur hospital phunch ke phone ker dena."
sana aur faraz aik dosrey ko dekh ke muskuratey hain aur aik saath kehtey hain.
"mum'ma ager ahista gari chaley gi to hum kal tak phunchay gay."
"batameez na ho to.faraz aaj mai hospital aaon gi yaad rakhna,Allah hafiz.pata nahi is lerkey ne suna
bhi ke nahi."
derwaza bandh ker ke woh jhootey bertan dhooney lagi aur faraz ki call ka intezar kerney lagi.
"ye lerka phir bhool gaya pata nahi kab sudhrey ga."
shaam ko woh hospital jaati hai,kyon ke faraz,sana ko school se chutti pe aaj apney saath hospital le
gaya,aur ye baat maha ko raheel ne phone ker ke batayi thi.raheel,faraz ka dost hai.maha ka irada
hospital jaaney ka tha hi,wahan woh bachon ke ward mein gifts deney ke liye ja rahi thi aur apney saath
sana ko bhi le jati,lekin raheel ke phone pe usay apna programme badalna para.hospital phunch ke woh
raheel ke kamrey mein jaati hai.
"assalam-o-alykum."
"walykum assalam baji aaye please,baithye."
"kaisey ho?"
"mai theek hoon,aap kaisi hain?"
"mai bhi theek hoon.paraishan ho kisi baat pe?"
"baji aap to jaanti hain,amma merey liye lerkiyan dhoondh rahi hain,aur mai abhi shadi nahi kerna
chahta."
"to tum unhay pyar se aram se samjhao."
"mai unhay hazaar baar keh chuka hoon aur woh humaisha yehi kehti hain"budhay hojao gay tab karo gay
kiya shadi."
raheel ne kuch is andaz se kaha ke us ki hansi choot gayi.
"haans lein aap bhi haans lein."
uska chehra dekh ke maha ko apni hansi pe control kerna para,woh waqyi sanjeeda tha.
"tumhay koi pasand hai?"
"baji pasand napasand ki baat nahi hai.aap mujhay bhut achay tareeqey se jaanti hain ke meri zindagi mein
koi lerki nahi hai.baji aap meri ideal hain.mai faraz ki terha aap ki bhut izzat kerta hoon aur aap se
apney dil ki baat bhi keh deta hoon,lekin ye baat aaj tak aap se mai ne nahi ki,keh kahin aap naraz na
ho jayain,per baji ye sach hai,mai jis lerki ko apni zindagi banana chahta hoon,woh bilkul aap jaisi ho,
aap bhut achi hain,kaash aap mujh se chooti hotin to mai aap ko propose ker deta.
"raheel...batameez."
maha ne usay gussay se dekha.
"sorry baji.waisey kabhi kabhi mujhay bhut jealousy hoti hai keh aap faraz ki baji kyon hain,kaash meri hotin."
"hmmm ye baat hai is liye abhi shadi nahi kerna chahtey."
"ji bilkul yehi baat hai."
"to phir aik kaam karo,amma ko bata do keh tumhay meri jaisi lerki chahye."
"amma kahain gi,mujh se milwao,mai bhi dekhon akhir us mein aisey kon se surkhaab ke par lagay hain keh
mujhay is jaisi lerki chahye."
"to milwa dena."
"per baji woh..."
"hmmm samjh gayi,un se chupa lena keh mai bewah hoon,koi baat nahi paraishan na ho amma maan jayain gi."
"ji baji,you are so sweet....aik minute."
raheel ka pager bajney laga to woh uth gaya.
"sorry baji emergency hai,mai phir milta hoon aap se."
"chalo theek mai phir bachon ke pas jati hoon,sana wahin hogi kiya?"
"ji baji woh wahin hai.aap ki beti bhut pyari hai,mai dua kerta hoon meri bhi aisi beti ho."
ye keh ke raheel wahan se bhagney ke andaz mein jata hai,taakey maha ka haath na per jaye,per us ke kaano
mein uss ke gussay bhari awaz phunch gayi.
"raheel pito gay mujh se."
maha bhi wahan se janay lagti hai.jaisey hi woh turn hoti hai,derwazey pe kharey chehrey ko dekh ke
ga'ang reh jati hai,woh ghabraney lagti hai aur uski ankhon mein ansoo aajatey hain,is se pheley ke woh
us ke ansoo dekh le,woh apna rukh mor leti hai.

*********************To Be Continued****************************
 
  • Like
Reactions: SHEROZ

Wolverine

Platinum member
Vip & Excellent
Dec 10, 2018
1,432
1,881
2,313
Canada
Part 3, 4 Khulaasa:
  • Khanay ka waqt hota ha aur sab log khamoshi se khana khaa kar apne apne kamray me chalay jaty hen.
  • Maha aur Seema kitchen me bartan samet kar baten krty hen aur Waleed aa kar Maha ko apne kamray me bulata ha.
  • Maha jati ha aur Waleed usko zaleel karta ha dolat ki lalach me sabse meethi baten karne aur khidmet krne ka ilzam lagat ha.
  • Waleed mazeed beizzat karne k lye Maha ka hath pakar kar rokta ha aur kuch pese deta ha jo wo usk mu par wapis phenk deti ha aur chali jati ha.
  • Maha k hath ki chooryan toot kar uski kalaai zakhmi kar deti hen per wo seedha apne room ja kar saaman pack karti ha, Faraz aata ha to usko bhi kehti ha saaman baandho aur chalo is ghar se.
  • Faraz foran Maha k kamray me jata ha aur uski marham patti karty baat puchta ha, wo nahi btati to Faraz dhamki deta ha na btai to Seema se rishta tor dega.
  • Maha usko thapar maarti ha aur sab bta deti ha Seemi ki mojoodgi me.
  • Faraz sab sun kar Waleed k kamray me jata ha aur usko kehta ha jis jayedaad per gharoor ha uski wja...
  • Lekin baat mukammal hone se pehle Maha aati ha aur usko bahir le jati ha. Waleed soch me reh jata ha kya baat thi.
  • Maha aur Faraz sab ghar walon se mil kar chaly jaty hen aur jane se pehle Maha apni Waleed se muhabbat khatam hone ka elaan bhi kar jati ha.
  • Taya ji Waleed ko bula kar thappar maarty hen aur btaty hen karobar me nuqsan hogya tha aur is ghar ko girvi rakhne se Maha ne bachaya tha apna zewar bech kar. Agar wo na hoti to aaj in k paas kuch bhi na hota. Usi ki waja se Faraz ne apna rishta nahi tora Seema se warna sab khatam kar k jata.
  • Ye keh kar Taya Ji ko heart attack hota ha aur sab unko hospital le jaty hen.
  • Hosh me ane per Waleed maafi maangta ha aur kehta ha Maha aur Faraz ko wapis le kar ayega.
  • 2 saal guzerne k bawjood Maha aur Faraz ka koi pata nahi milta. Taya ji ab ghar hi rehty hen aur Tayi ji bhi bemaar c rehti hen. Waleed samet sab log ghar me yaad karty hen un dono ko.
  • Ek raat aasman per chaand ko dekh kar Waleed khud se kehta ha usay Maha se ishq ho chuka ha aur wo ek din dhung lega, ye baat bahir se guzerty Taya ji bhi sun lete hen aur muskura dete hen.
  • Maha ki shadi ho chuki hoti ha aur shohar ka inteqaal ho chuka hota ha. Uski ek beti ha jiska naam Sana ha.
  • Faraz aur Sana ek sath ghar se school aur hospital jaya karty hen aur ek din wapsi per Faraz Sana ko apne sath hospital le jata ha. Ye baat uska dost Doctor Raheel phone kar k Maha ko btata ha aur wo bhi jati ha usko wapis lane aur beemar bachon ko tohfy dene.
  • Raheel se milti ha aur usko emergency k lye bula lia jata ha, Maha darwaze per dekhti ha to koi khara hota ha jisy dekh kar usk aansu nikal aty hen aur wo apna chehra dusri taraf pher leti ha.
 
  • Like
Reactions: Hanii and Mahiya

Mahiya

Most-active member
Writer
Feb 5, 2021
753
546
93
43
Karachi,Pakistan
"kaisi ho maha?"
waleed ander aa jata hai aur jahan woh khari hoti hai,table ke pass wahan us ke peechay aa ke khara
hojata hai,is terha keh ager maha jaana chahay to na ja sakey.maha ko mehsoos hogaya keh woh us ke peechay
aa ke khara hogaya hai lekin us ne koi jawab na diya.
"tum bilkul nahi badlin waisi ki waisi ho,jaisey pheley theen.mai jaanta hoon,tum mujh se baat kerna
nahi chahti aur na hi mujhay dekhna chahti ho,lekin maha mai tum se baat bhi kerna chahta hoon aur
tumhay ji berh ke dekhna bhi.pichley aik saal se mai ne tum dono ko kahan kahan nahi dhoonda,lekin tum
log nahi miley.faraz jis hospital mein tha wahan gaya,lekin woh wahan se jaa chuka tha,is hospital ka
pata itni mushkil se maloom kiya,soocha baba ko bhi saath le loon,unka check-up hojaye ga aur faraz ko
bhi dhoond loon ga.jab yahan phuncha to tumhari jhalak nazer aayi,phir khud hi ser jhatak diya keh tum
to mujhay har jagah nazer aati ho,aab bhi aisey hi hoga,lekin tumhari awaz is kamrey se bahir aayi to mai
dekhay bina na reh saka.tum haqeeqat mein merey samney ho,tumhay choo ke mehsoos kerna chahta hoon keh
mai tum se ishq kerney laga hoon,aab tumhay khona nahi chahta.meri taraf dekho maha keh mai tumhay nazron
mein bhar lena chahta hoon,please maha meri taraf dekho keh mai tum se maafi maangna chahta hoon."
waleed bolta ja raha tha aur woh roti ja rahi thi aur sooch rahi thi jab mohabbat kerti thi us se to uski
aik mohabbat bhari nazer chahti thi aur aaj jab woh usay toot ke chahney laga hai to woh chah ker bhi usay
apna nahi sakhti.woh us ke samney se door hojana chahti thi is liye apna rukh moor ke us se kehney lagi.
"raasta dijye mujhay jana hai."
woh us ka raasta rokey khara tha,na woh dayain taraf se ja sakhti thi aur na bayain taraf se.
"mai ne kaha mera raasta chorien."
"kaisey chor doon maha,kitney arsey baad dekh raha hoon tumhay.ye jhuki nazrein,ye rukhsaron pe ansoo,
ye ghabrahat,mera dil ijazat nahi deta keh tumhay apni nazron se oojhal honey doon.ji kerta hai keh
tumhay dulhan bana ke abhi aur isi waqt le jaon ke kahin tum phir gayab na hojao.kiya khayal hai?"
"please...mujhay is terha ki chichori batain bilkul pasand nahi,mujhay jaanay dein."
"ye chichori batain nahi hain maha,ye mera ishq meri mohabbat hai."
maha ne usay nazrein utha ke dekha lekin ziyada dair tak na dekh saki keh uski ankhon mein mohabbat ka
samander thathein maar raha tha.us ne apni nazrein jhuka deen aur us ke bayain haath ko jhatka jo woh
kursi pe rakhay us ka raasta rokey khara tha.aur us ke pas se guzerna chaha lekin us ne haath paker ke
rok liya.
"pheley ye haath mai ne tumhay ansoo,azyat aur takhleef deney ke liye pakra tha aur aaj ye haath mai ne
chahat,mohabbat aur humaisha thamney ke liye pakra hai.maha,mai tumhay toot ke chahata hoon aur tum se
shadi kerna chahata hoon."
jis baat ka dar tha,akhir woh baat hogayi.maha ne himmat ker ke apna rukh waleed ki taraf moora lekin
apna haath nahi churaya.
"jis maha ko aap dhoond rehay hain woh maha mar chuki,jis maha ko aap jaantey hain woh maha mar chuki,
jis maha se aap mohabbat kertey hain woh maha mar chuki,jo maha aap se mohabbat kerti thi woh maha mar
chuki,jis maha ka haath aap ne azyat,ansoo aur takhleef deney ke liye thama tha woh maha mar chuki,aur
jis ka haath aap ne chahat,mohabbat aur humaisha thamney ke liye pakra hai woh aap ki maha nahi,aap ki
maha mar chuki,jo maha aap ke samney khari hai woh maha nahi woh mrs.maha raheel hai,raheel murad ki
bewah aur aik bachi ki maa.suna aap ne,mai aap ki maha nahi,mai mrs. maha raheel hoon,raheel murad ki bewah
aur aik bachi ki maa."
ye suntey hi waleed ke haath se maha ka haath choot gaya.
"meri beti hai sana,meri jaan hai woh.ye jo rang pehna hai mai ne,sirf uske liye,ankhon mein kajal,honton
pe hansi,ye muskurahat,ye lipstick ye sab us ke liye hai.warna aap ki maha kab ki mar chuki.woh be-rang
hai,usay koi choo nahi sakhta aur na hi koi apna sakhta hai."
ye keh ke maha jaaney ke liye turn howi to wahan apney baba ko dekh ke sakit reh gayi,woh girney hi lagay
thay keh maha unki taraf lapki.
"baba,baba kiya howa baba?"
"mera beta khush nahi hai na?"
taya ji ke is sawal pe maha ke ansoo behney lagay.
"nahi baba mai bhut khush hoon,bhut khush.aap theek hain na?"
taya ji ki ankhain baand hotey dekh ke maha ne unse poocha lekin woh ankhain baand ker chukey thay.
"baba baba ankhain kholye.waleed dekhain baba ko kiya howa."
us ne waleed ko awaz di jo aab tak sakit khara tha,maha ki pukar pe us ne taya ji ki taraf dekha aur unke
pass aya.
"baba please,dekhye baba mai bhut khush hoon.please baba ankhain kholye.faraz ,raheel."
us ne wahin se faraz aur raheel ko awaz di.faraz to nahi per raheel zaroor aa gaya.
"raheel,dekho baba ko kiya howa hai."
"relax baji,mai dekhta hoon,aap paraishan na hoon."
taya ji ko ward mein shift kerney ke baad,raheel ne unhay check kiya.maha aur waleed bahar corridor mein baith gay.
"baba ne sab sunn liya hai,unhay dukh phuncha hai,sab meri wajah se howa hai."
ye kehtey howey maha roney lagi.raheel ki awaz pe us ki dil ki dharkan rukney lagi.
"baji,woh theek hain,behosh hogaye thay,lekin unka blood pressure high hai."
"to ye theek kaisey howey,raheel tum bhi na."
"baji,sab theek hai aur blood pressure control hojaye ga,aap paraishan na hon."
"faraz ko bulaya?"
"ji baji,mai ne bulaya hai,jaisey hi farig hoga aajaye ga.aap?"
us ne waleed ki taraf dekh ke poocha.
"ye unke betey hain."
waleed ne us ki taraf haath milaney ki garz se haath berhaya.
"waleed aslam."
"doctor raheel.kiya aap ke father ko pheley attack howa hai?"
maha ne hairat se usay dekha.
"ye kiya pooch rehay ho.baba bhut sehat maand hain,unhay kabhi attack nahi howa,bas gussa ziyada ata hai."
"nahi maha,unhay minor attack howa tha."
"what?kab?"
"jab tum dono ghar chor ke gay thay."
"ya Allah."
maha apna ser tham ke wahin baith jati hai.
**********************************************************************

"chaand,baba theek hojayain gay paraishan na ho."
"kaisey theek hojayain gay,unhay meri waja se dukh phuncha hai,unho ne sab kuch sunn liya hai."
"sab theek hojaye ga.baba tumhay dekh ke bhut khush howey hain shayad yehi wajah hai ke attack ke baad
woh itni ziyada khushi bardasht na ker sakey hon.bas tum paraishan na ho warna tumhay dekh ke unhay kuch
aur na ho jaye aur ager aisa howa to mujh se bura koi na hoga."
doctor raheel se baat kerney ke baad,woh maha ke saath hi baith gaya aur usay tasali deney laga.lekin
maha ko us ki tasali se bhi koi farq na para,is liye usay thora sa hansaney ke liye us ne baat ka rukh
badal diya.
"aab bhi aap se bura koi nahi hai."
waleed ne usay chonk ke dekha.
"kiya matlab?"
"kuch nahi."
usney muskuratey howey kaha aur apney ansoo saaf kiye.
"aisey hi raha karo achi lagti ho."
waleed ki is baat pe usay ghabrahat si honey lagi keh aab najaney woh aur kiya keh de.
"hum baba ko dekh lein?"
waleed us ki ghabrahat pe muskura diya.
"haan chalo."
woh dono kamrey mein dhakil howey to taya ji ko hosh aa chuka tha.unho ne haath ke isharey se maha ko
apney kareeb bulaya.
"ji baba?"
maha unkey kareeb aa gayi aur unka haath tham liya.
"baba aap jaldi se theek hojayain,aap ki beti bhut khush hai.aap bilkul fiker na kerain,bas jaldi se
theek hojayain.phir abhi to aap ne apni nawasi ko bhi nahi dekha."
"haan beta.mai jaanta hoon chahey kuch bhi hojaye tum apni zaban se kabhi shikwa nahi karo gi.ye sirf
aik baap jaanta hai keh us ki beti ko kitna bara dukh mila hai,woh kitna khush hai,chahey woh jitna bhi
chupa le."
"baba.."
maha taya ji ke seenay pe ser rakh ke roney lagi.
"ro lo beta ro lo ji bhar ke ro lo keh aaj ke baad mai tumhay kabhi rota howa na dekhon."
usi waqt faraz derwaza khol ke ander ata hai aur mahoul ki sangeedgi ko dekhta hai.
"ager ye drama khatam hogaya ho to kiya mai apney baba se mil sakhta hoon?"
maha foran seedhay hoke usay aik chapat lagati hai.
"ye drama nahi horaha tha.baba,ye mujhay bhut taang kerta hai aap zara is ke kaan khainchain."
"mai taang kerta hoon?baba ye mujh masoom pe jhoota ilzam hai."
us ki masnoyi narazgi pe sab hansney lagay.
"shuker hai,warna mai to samjha tha keh roney dhoney ka lamba programme hai."
"chaand beta,aik baat kerni hai?"
"ji baba mai yahin hoon,kahin nahi ja rahi lekin sab se pheley aap aram kerain phir hum batain kerain gay."
"chaand sunn to lo baba kiya keh rehay hain."
waleed ne usay tooka aur us ki baat maan ke woh taya ji ki baat sun'nay lagi.
"ji baba kahye?"
"beta tum aur faraz ghar wapis aa jao."
maha aur faraz aik dosrey ko dekhney lagay.
"baba aap pheley theek hojayain,yahan se discharge hojayain phir is silsiley mein baat kertey hain."
"nahi beta mujhay abhi jawab chahye."
maha thori dair soochney ke baad.
"theek hai baba lekin seema aur faraz ki shadi ke baad."
"seema ki kyon?seema aur tumhari shadi saath hogi,taakey seema us ghar se rukhsat ho to tum us ghar mein
kadam rakho."
maha taya ji ki ye baat sunn ke suun hojati hai.
"nahi baba ye mumkin nahi,kyon ke mai shadi nahi kerna chahti,ya ye samjh lein ke aab mai dosri shadi
nahi kerna chahti."
ye keh ke woh kamrey se bahir chali jati hai.
*************************************************************


bahir aa ke woh chair pe baith jati hai,aur taya ji ki kahi howi baton ko soochti hai.woh itni mahv hoti
hai apni soochon mein keh usay ehsas tak nahi hota keh uss ke baraber wali chair pe koi aa ke baitha hai.
"kyon paraishan hogayi ho?"
woh chonk jati hai.
"aap ne baba se bhi keh diya?"
"mai ne baba se kuch nahi kaha,unhay sab pata hai,is liye unho ne tum se baat ki."
"log kiya kahain gay?unkey taaney,unki nazrein,unke sawal aap ko chalni chalni ker dein gay.aap ko mujh se hazar
guuna achi unmarried lerki mil jaye gi,per mai...nahi.mai aik bewah hoon aur aik bachi ki maa aur aap
unmarried hain log kiya kuch nahi kehain gay."
"mai kuch nahi jaanta,mujhay logon ki perwah nahi.mai sirf itna jaanta hoon keh mai tumhay toot ke chahta
hoon aur tum se shadi kerna chahta hoon.mai tum dono ko bhut khush rakhoon ga aur ye baat mai daway ke
saath keh sakhta hoon keh tum jaisi lerki mujhay kahin nahi miley gi."
waleed ye sab keh ke wahan se chala jata hai aur maha apna ser tham leti hai.waleed apni maa aur seema
ko leney chala jata hai.faraz usay is terha baitha dekh ke us ke pas aa jata hai.
"kiya howa baji?"
"kuch nahi.sana kahan hai?"
"merey kamrey mein so rahi hai."
"baba aram ker rehay hain?"
"ji."
"to phir tumharey kamrey mein chaltey hain."
ye dono wahan se faraz ke kamrey mein aajatey hain.kaafi dair tak in dono mein koi baat nahi hoti.akhir
faraz ne kaha.
"baji maan jaye please."
maha usay hairat se dekhney lagi.
"faraz tum to atleast mera saath do,taakey mai baba aur waleed ko samjha sakoon."
"baji mai jaanta hoon aur aap bhi achi terha jaanti hain keh aap waleed bhai se aab bhi mohabbat kerti
hain.raheel bhai se shadi ke baad bhi aap waleed bhai ko na bhula sakin aur aab unke proposal se aap is
liye inkaar ker rahi hain keh aap bewah hain aur woh unmarried.aap ko isi baat ka dar hai keh log kiya
kehain gay.baji logon ki perwah kerni chor dein kahin aisa na ho logon ki perwah kertey kertey aap aik baar
phir waleed bhai ko kho dein."
"faraz.."
"baji mai aap ka bhai hoon.aap lakh kahain aap bhut khush hain.per aap khush nahi.aap ki hansi mein aap
ki smiles mein something is missing.aap ko jhoot bolna nahi ata baji.aap baba se keh sakhti hain aur woh
maan bhi jayain per mai...nahi baji nahi mai nahi maan sakhta keh aap khush hain.yaad hai mai ne aap se kaha
tha keh mai aap ko khush dekhna chahta hoon,to baji na aap apni shadi pe khush theen aur na aap aab
khush hain...please baji please waleed bhai ko apna lijye woh aap dono ko bhut khush rakhain gay."
maha faraz ko dekhti reh gayi.
"mai sana ko le ke ghar ja rahi hoon,ye paisey hain,gifts raheel ke kamrey mein hain,dono bachon ke
ward mein baant dena."
"baji.."
"nahi faraz mai naraz nahi,lekin ager isi terha sawal hotey rehay aur isi terha ki batain hoti rahin
to mai sab se rooth jaon gi."
"baji.."
faraz,maha ke jaaney ke baad khud se kehta hai.
"sorry waleed bhai aap ne bhut dair ker di."
**************************************************************************

Tayaji discharge ho ke ghar aajatey hain aur maha aur faraz apna saaman pack ker ke wapis ghar aanay ki
tayari.tayaji ko jab se pata chala tha keh woh dono ghar aa rehay hain,kaafi baichaini se intezar ker
rehay thay.
"saari tayari mukamil hai rukhsana?bachay kaafi arsey baad ghar wapis aa rehay hain koi kami nahi rehni chahye."
"aap befiker rehay sab tayari hogayi hai.lekin woh log abhi tak aay kyon nahi?"
"bas anay waley hain."
door bell pe sab derwazey ki janib mutawaja hoye.taya ji ne derwaza khola aur maha ko dekh ke khush hogay.
"jeeti raho beta,khush raho."
"baba, ye sana hai meri beti."
"masha Allah bhut pyari hai.hum ne aap ke liye bhut sari chocolates rakhin hain,humari guriya khaye gi?"
"ji nana ji."
"baba humarey kamrey wohi hain ya phir hum kahin aur rehain gay?"
"nahi beta jo kamrey pheley thay wohi hain."
"theek hai baba,hum apna saaman rakhtey hain,phir aram se baith ke batain karein gay.chalo faraz."
"mum'ma mai nana ji ke pas hoon."
"theek hai per nanaji ko taang nahi kerna."
bhut si yadein,bhut si batain is ghar mein anay ke baad maha ko yaad anay lagin,jo woh kabhi bhooli nahi thi.
kuch bhi nahi badla sab waisa hi hai jaisa chor ke gay thay.faraz fresh honey ke baad sehan mein sab ke
pas aa gaya aur maha kitchen mein seema ke pas.
"chaand tum wahan sab ke saath ja ke baitho mai ker loon gi."
"haan haan jaaanti hoon tum ne sab bhut acha sambhal liya hai,lekin ager mai tumhari help ker loongi to kiya
hojaye ga?"
"tum to kerti rehti ho,is liye wahan jaa ke sab ke saath baitho mai bas khana laga rahi hoon."
us ki is baat pe maha usay dekhti reh jati hai.
"kiya dekh rahi ho?"
"seema mai wohi chaand hoon,mai bilkul nahi badli.sirf itna farq para hai keh aik bachi ki maa aur bewah hoon,
per tum sab ki wohi purani chaand hoon."
"iam sorry chaand,mera matlab woh nahi tha,bas tum abhi aayi ho to mujhay acha nahi lag raha keh tum direct
yahin aagayin kitchen mein kaam kerney ke liye.acha khana tayar hai,tum sab ko bulao mai lagati hoon."
khana khaney ke baad sab taya ji ke kamrey mein aa gay.waleed abhi office se nahi aya tha.maha ne sana
ko kamrey mein ja ke sula diya tha.khoob batain aur hansi mazak ho raha tha keh taya ji ne woh baat
chhair di jis se maha bachna chahti thi.
"beta,to kiya soocha tum ne waleed se shadi ke mutaliq?"
"baba mera faisla aab bhi wohi hai.mai ne kabhi bhi koi bhi baat aap ki nahi ta'ali,per baba ye baat mai
nahi maan sakhti.log kiya kehain gay keh koi aur nahi mila unmarried lerkey se shadi ker rahi hai.baba
mai manhoos hoon aur jo manhoos...."
usi waqt waleed enter howa aur us ki ye baat sunn ke gussa hogaya aur usay aik thaper mara...
"shut up shut up just shut up."
"waleed kiya ker rehay ho?"
taya ji ne waleed ko toka.
"samjhti kiya ho tum apney aap ko,tum ho kiya.tumharey khilaaf kisi aur ke mounh se ye sab suno to us ka
mounh toor doon to tum kiya ho.najanay tumharey dil-o-dimagh mein kiya hai.batao mujhay duniya ki kon si
kitaab mein ye likha hai keh bewah se shadi kerna mana hai kyon ke jo shadi kerey ga woh mar jaye ga?"
"mai ne aisa to nahi kaha."
"aisa kaha nahi to keh do gi,bas isi ki kaser reh gayi hai.log ye log woh,tumhari zindagi mein humari koi jagah nahi
sirf tumhay logon ki perwah hai bas."
"waleed please.."
"mar gaya waleed aur ager tumhara yehi rawaya raha to aik din sach mein mar jaon ga."
"Allah na karey."
maha ne waleed ki ye baat sunn ke beikhtiyar kaha.
"kyon?kyon Allah na karey?mai mar jaon ga to tumhay sakoon mil jaye ga,aur waisey bhi merey merney se tumhay
koi farq nahi parey ga kyon ke tumhay logon ki perwah hai meri nahi."
"please chup hojayain,please chup hojayain,mat kerain aisi batain."
ik dum se kamrey mein san'nata chah gaya.baba,amma,seema,faraz,waleed sab apni apni jaga khamosh thay,
sirf maha thi jis ki siskiyan kamrey mein goonj rahi thi.waleed apni jagah se utha to maha usay is terha
kharey hotey dekh ke dar gayi,keh aab najaney woh kiya kehney wala hai.
"mai aaj raat ki flight se america ja raha hoon,jaaney se pheley mujhay apna faisla suna dena aur sooch
samjh ke faisla kerna keh tumhari aik "haan" se meri zindagi badal jaye gi aur tumhari ik "na" se mai
kabhi bhi pakistan wapis nahi aaon ga,aur logon ko aik side pe rakh ke faisla kerna keh logon ka kaam
hai batain bana'na kisi ke merney pe bhi aur kisi ki khushi pe bhi.bas itna yaad rakhna keh mai tum dono
ko bhut khush rakhon ga aur ager logon ne kuch kaha to phir mujh se bura koi nahi hoga."
ye keh ke waleed kamrey se chala jata hai.
"baba,please aap unhay samjhayain woh aisa na kerain please baba."
maha rotey howey tayaji ke kadmon mein baith jati hai.
"woh samjhney ki kaifiyat mein nahi hai beta.jaanti ho ye wohi waleed hai jo tum se shidat se nafrat
kerta tha aur aaj usay dekho,koi nahi keh sakhta ye woh waleed hai.woh tumhay bhut chahta hai aur jo us
ne kaha hai woh aisa ker bhi de ga.dekho beta ye mat samjhna keh mai us ka baap hoon to us ki side le
raha hoon per ye sach hai beta keh woh tum dono ko bhut khush rakhay ga.meri to humaisha se khwashish thi
keh tum is ghar ki bahoo bano,per aaj seema,tumhari maa,waleed faraz,sab chahtey hain keh tum is ghar ki
bahoo bano."
"baba, woh mujh jaisi lerki nahi chahtey thay aur mai to bilkul nahi badli waisi hi hoon,phir aisa kiya howa
keh woh mujhay apna'na chahtey hain?"
"tum ne us se nahi poocha?"
maha ne naafi mein ser hilaya.
"beta us se poocho phir,lekin faisla ker leney ke baad kyon ke mai jaanta hoon woh na to tum pe taras kha
raha hai aur na hi humderdi,sirf mohabbat hai.per phir bhi tum jaan'na chahti ho to us se poochna keh woh
kyon kerna chahta hai tum se shadi."
tayaji ye keh ke usay apna faisla kerney ke liye tanha chor detey hain.faraz seema aur tayi ji bhi kamrey se chaley jaatey hain
aur woh aab waleed ki baton ko sooch rahi thi,aik aik baat,us ne kiya kaha tha jab woh ghar chor ke ja
rahi thi.kaafi dair tak woh soochti rahi aik aik pehlo per aik aik lamhay ke mutaliq,khas tor pe sana
ke mutaliq aur akhir us ne faisla ker liya.lekin bhut dair ho chuki thi waleed airport ke liye nikal
chuka tha.
"faraz waleed ko dekha?"
"woh to chaley gay,abhi unhay airport chor ke aa raha hoon."
"theek hai,mai ja rahi hoon tum sana ka khayal rakhna."
"ji baji,per faisla to sunati jayain?"
"aa ke bataon gi,unhay rokna bhut zaroori hai,kahin aisa na ho bhut dair hojaye."
faraz soochta raha keh maha kiya keh gayi hai aur jaisey hi usay samjh aya usnay beikhtiyar zor se kaha
jaisey maha wahin khari hai.
"I love you baji,aap bhut achi hain."
seema us ke pas aayi aur poocha.
"kiya howa?"
"baji maan gayin.tum nahi jaanti seema mai kitna khush hoon,mai unhay humaisha khush dekhna chahta tha,
aur mujhay humaisha nakaami howi.mai kabhi jaan hi na saka keh baji waleed bhai ke saath hi khush reh
sakhti hain.mai bhut khush hoon bhut khush."
faraz ke chehrey se hi nahi us ki bataon se bhi khushi jhalak rahi thi aur seema usay pheli baar itna
khush dekh rahi thi.
idher maha airport phunchi to nigahain waleed ko hi dhoond rahi theen,per woh kahin nazer nahi aa raha
tha.
"nazer kyon nahi aa rehay kahin chaley to nahi gaye?"
us ne apney aap se kaha.
"nazer kaisey aayain gaye,mai yahan baitha hoon."
maha ne chonk ke dekha waleed samney baitha tha.woh us ke pass aa ke baith gayi.
"aap gaye nahi?"
waleed usay dekhney laga.woh jaanta tha keh us ke musalsal dekhney pe maha ghabra jati hai aur aisa hi howa.
woh ghabrahat mein apna dupatta sahi kerney lagi,jo pheley se hi sahi tha.
"yaar,sahi hai dupatta,khaberdaar jo aab tumhaara haath ser pe gaya,mai kisi ka lihaaz nahi karon ga
aur tumhara haath paker loon ga."
maha us ki akhri baat pe dar gayi aur apney dono haath goodh mein rakh liye,aur ser jhuka diya.
"flight late hai is liye yahan baitha hoon."
maha ne kuch nahi kaha.kaafi dair tak dono ne apas mein koi baat nahi ki.maha ko samjh nahi aa raha tha
keh kaisey iqraar karey aur kis terha poochay aur waleed maha ke jawab ka muntazir usay tazabzub ki halat
mein dekh raha tha.akhir waleed ne pehal ki aur woh zameen pe ghutney taik ke maha ke kadmon mein baith
gaya.
"ye aap kiya ker rehay hain?"
"ssshhhh tum bas suno aur meri baat ka jawab doo.meri taraf dekho chaand."
maha jaanti thi woh kiya kehney ja raha hai,is liye us ki ankhon mein ansoo anay lagay aur woh waleed ki
taraf dekhney se guraiz ker rahi thi.lekin usay dekhna para.waleed ne kehna shuru kiya.
"chaand,mai tum se bhut mohabbat kerta hoon,tum se ishq kerta hoon,tum se shadi kerna chahta hoon.mai tum
dono ko bhut khush rakhon ga,kiya tum mujh se shadi karo gi?mera haath thamoo gi?"
waleed ne usay propose kiya aur apna haath agay berhaya.per maha apna ser jhukaye ansoo bahati rahi aur
soochney lagi keh us se kaisey baat karey,kaisey poochay,kaisey jawab de.
"bolo na chaand?kiya howa?kyon ro rahi ho?"
"aap oper baithain idher aaye."
waleed oper us ke pas baith gaya aur usay dekhney laga..
"aap...aap mujh se shadi kyon kerna chahtey hain?aap ko to bold lerkiyan pasand hain,jo nazron se nazrein mila
ke baat karey,mohabbat ho to us ka iqraar karey,aap ko ghabrayi howi si,shermayi howi si lerkiyan achi
nahi lagti phir kyon?mai aab bhi waisi hi hoon,jaisey pheley thi,phir kiya wajah hai jo aap mujh se
shadi kerna chahtey hain?"
waleed usay dekhta reh gaya aur us ke dekhney ka hi aser tha keh woh apna ser se phisalta howa duppatta
sahi kerney hi lagi thi keh waleed ne us ka haath paker liya.
"kaha tha na keh dobara ser pe haath gaya to paker loonga.to aab suno,tum dono ke jaaney ke baad,baba ne
apney kamrey mein mujhay bulaya tha,aur jo inkashafaat howey,us ne yakser mujhay badal ke rakh diya.baba
ne mujhay bataya keh tum mujh se mohabbat kerti theen aur phir us din se mai ne tumhay pagalon ki terha
taalash kiya,per tum nahi mileen.tum mujhay har taraf nazer aatin aur phir mai raat raat bhar jagta rehta,
chaand ko dekhta aur usay dekh ke iqraar kerta,phir akhir tum mujhay mileen lekin kis terha?jab tum ne
mujhay bataya keh tum bewah ho aur aik bachi ki maa,to mai toot gaya bikhar gaya,lekin mai teh'hya ker
chuka tha keh mujhay tum se hi shadi kerni hai.tumhari saadgi,tumhari sharam-o-haya yehi woh cheez thi
jis sey mai nafrat kerta tha,tum se nafrat kerta tha aur yehi cheez mujhay deewana ker gayi aur mai tum
se ishq kerney laga.tumhay propose kiya to tum ne logon ki perwa kerni shuru ker di keh log kiya kehain gay
aur mujhay tum pe gussa anay laga keh tumhay humari perwah nahi,logon ki hai.lekin mujhay dair mein samajh aya keh
tumhay logon ki nahi,humari perwah hai,tum nahi chahtin keh log baba ko,amma ko,seema ko,faraz ko ya mujhay
kahein aur ager aisa howa to tum bardasht nahi ker sako gi is liye tum inkaar kerti rahin aur merey dil mein
tumhari mohabbat berhti gayi."
waleed ye sab keh ke khamoosh hogaya aur maha ko dekhney laga,jo aab tak ansoo baha rahi thi.
"yaar Khuda ki bandi please rona baand karo aur batao mujh se shadi karo gi?"
maha ko ehsas howa to us ne foran apney chehrey se ansoo saaf kiya aur waleed ke berhay howey haath ko dekhney lagi.
"yaar gazab Khuda ka sab kuch bata diya,aab bhi tum chup ho,aab kiya paraishani hai?aik to is phone ko
bhi abhi bajna tha."
waleed ne jhunjalatey howey phone recieve kiya,dosri taraf faraz tha.
"kiya jawab diya baji ne?"
"tumhari baji roye ja rahi hain aur jawab nahi de rahin."
"to phir theek hai mai hold per hoon,jab tak woh jawab nahi detin,kyon ke yahan sab muntazir hain."
"ok theek hai."
waleed ne phone per se tawaja hata ke maha ko dekha.
"dekho aab ager tum ne jawab na diya to mujh se bura koi na hoga."
waleed ne kuch is terha kaha keh maha ki hansi choot gayi.woh gussa honey laga.
"haan tum haans lo.tumhay meri perwah thori hai,tumhay to logon ki...."
"mujhay manzoor hai."
maha ne us ke beech mein bola jo woh apna jumla mukamil na ker saka,aur maha ko aisey dekhney laga jaisey
us ne kuch ghalat suna ho aur phone pe faraz se poochney laga.
"yaar tum ne kuch suna?"
maha jo iqraar kerney ke baad apna ser jhuka ke baithi thi,waleed ki is baat pe apna ser peet ke reh gayi.
"kiya waleed bhai!humain awaz aa gayi aur aap to itney kareeb hain aap ne nahi suna?"
"waleed kiya ker rehay hain?"
"tum ne kuch kaha tha phir se bolo?"
maha ne sharam se apna ser jhuka diya.
"yaar sharmana baad mein,pheley batao tum ne kiya kaha,dekho announcement bhi horahi hai."
"mai ne kaha mujhay manzoor hai."
"really?"
waleed ko aab bhi yaqeen nahi aa raha tha.
"ji."
"ji?"
"ji."
"I love you."
waleed ne itni zor se kaha keh aas pass ke log dekhney lagay.maha ne ghabra ke waleed ka bazoo paker ke usay bithaya.
"waleed hum teenager to nahi hain log kiya kahain gay."
"ufff phir wohi log mai bhool gaya tha.acha aab mai ander ja raha hoon,rona nahi hai.kaam khatam ker ke wapis
aaon ga,ziyada din bhi lag sakhtey hain.apna khayal rakhna aur sab ka bhi.ok mai chalta hoon."
waleed jaaney laga,phir kuch yaad anay per,us ke pass aya.
"yaar dil nahi ker raha,sooch raha hoon nikah ker ke jaon,taakey tum se baat to ho sakey,nahi to meri
awaz sunn ke hi ghabra jao gi aur bolo gi aik minute mai baba ko bulati hoon."
us ke is andaz pe maha jo udas khari thi hansney lagi.
"acha aab jaye flight miss hojaye gi."
"aisey hi rehna,jab mai wapis aaon to tumhay aisey hi dekhon suna?"
"ji."
"Allah hafiz.I love you."
"Allah hafiz."
waleed ander chala gaya aur maha ne zer-e-lab kaha.
"I love you too."
jab tak waleed uski nazron se oojhal nahi hogaya,tab tak maha wahin khari rahi,jab waleed chala gaya to woh ghar
ke liye main road ki taraf anay lagi,taakey ghar ja ke sab ki khushi dekh sakey.
**********************************************************************************
 

Wolverine

Platinum member
Vip & Excellent
Dec 10, 2018
1,432
1,881
2,313
Canada
Part 3, 4 Khulaasa:
  • Raheel k room se jane k baad jo shakhs bahir khara tha wo Waleed tha, jo rasta rok kar khara hogya aur Maha se apne ishq ki daastan bayaan karne laga.
  • Maha ne kaha ab nahi apna sakti wo Waleed ko aur jane lagi per Waleed ne hath pakar k rok lia aur shadi ka kaha.
  • Maha ne usko btaya uski shadi hochuki ha aur wo ab ek bewa aurat ha, ek beti ki maa.
  • Waleed ye sun kar hath chor deta ha aur heraan khara rehta ha.
  • Room se bahir Taya ji ye sab baten sun lete hen aur behosh ho jaty hen.
  • Dr. Raheel ko bulaya jata ha aur wo btaty hen heart attack hua ha.
  • Maha kehti ha pehle kabhi nahi hua lekin Waleed btata ha Faraz aur Maha k ghar chor jane k baad hua tha minor attack, aur ye baat sun kar Maha pareshan hojati ha.
  • Taya ji ko hosh ata ha aur Maha unse rona dhona karti ha.
  • Faraz bhi ajata ha aur Taya ji kehty hen wo dono wapis ghar aa jayen.
  • Maha kehti ha Seema aur Faraz ki shadi k baad ajayengy lekin Taya ji kehty hen Faraz aur Seema ki shadi k sath Maha aur Waleed ki bhi hogi.
  • Ye baat sun kar Maha dusri shadi se inkaar karti ha aur room se chali jati ha.
  • Waleed dubara Maha k paas jata ha aur propose karta ha lekin Maha kehti ha mein ek bewa maa hun aur aap unmarried, isliye kisi unmarried se shadi kren.
  • Ye sun kar Waleed ghar se Seema aur Tayi ji ko lene chalata jata ha.
  • Baad me Faraz aata ha Maha k paas aur yehi kehta ha haan kar den Waleed se shadi k lye, lekin wo us ko bhi inkaar kar k ghar chali jati ha.
  • Kuch din baad Maha aur Faraz wapis Taya ji k ghar chaly jaty hen aur khana khanay k baad Taya ji phir Maha se puchty hen shadi k baray me.
  • Maha inkaar karti ha aur khud ko manhoos kehti ha, usi time Waleed room me enter hota ha aur Maha ko thapar maar k chup karwa deta ha.
  • Waleed kehta ha wo America ja rha ha aur agr Maha ne shadi k lye haan na ki to kabhi wapis nahi ayega.
  • Is baat k baad sab log room se chaly jaty hen aur Maha soch me par jati ha.
  • Raat ko wo Faraz se Waleed ka puchti ha aur wo btata ha Airport chor aya ha.
  • Maha foran airport jati ha aur Waleed usay wahan propose kardeta ha.
  • Maha sochti aur roti rehti ha aur Waleed puchta rehta ha. Phir Faraz call kar k puchta ha wo Waleed btata ha Maha ro rahi ha aur jawab nahi de rhi.
  • Achanak Maha haan kardeti ha aur Waleed khush ho ka kehta ha kaam khatam kar k jaldi wapis ayega shadi k lye aur hansi khushi America aur Maha ghar wapsi k lye nikalti ha.
 
  • Like
Reactions: Hanii and Mahiya

Mahiya

Most-active member
Writer
Feb 5, 2021
753
546
93
43
Karachi,Pakistan
"Baji! aap soyi nahi abhi tak?"
"neend nahi aa rahi hai.tum jaag rehay ho,koi emergency hai kiya?"
"nahi baji,emergency nahi hai koi,mai paani peeney ke liye utha tha,to aap ke kamrey ka derwaza khula howa tha
to aap ke pass aa gaya.kiya baat hai baji,koi paraishani hai kiya?"
maha airport se ghar aayi to sab apnay apnay kamron mein thay.us ne derwazay ko lock kiya aur apney kamrey
mein aa gayi.chadar utar kar almari mein rakhi aur palang pe soyi sana ke pass baith ke us ke balon mein
ungliyaan phairnay lagi aisey keh woh uth na jaye.us ne faisla to ker liya tha lekin woh sana ko kaisey
bataye usay yehi paraishani thi.woh inhi soochon mein gum thi keh faraz aa gaya aur aab woh us se uski
paraishani ki wajah pooch raha tha.
"baji?"
"haan,kiya howa?"
"kyon paraishan hain,kiya baat hai?"
woh faraz ko dekhnay lagi jaisey us ke sawal ko samjhnay ki koshish ker rahi ho.
"faraz mai sana ko kaisey bataon gi,jab woh mujhay dulhan bana dekhay gi,jab woh shadi ki tayariyaan dekhay gi,
mai,mai kiya kahoon gi us se?ye keh us ki maa ki shadi hai,woh us ke liye papa la rahi hai.woh choti nahi
rahi keh usay khilona de ke ya koi aisi baat ker ke behla loon,woh bari hogayi hai.mai kiya karoon mujhay kuch
samjh nahi aa raha hai."
ye keh ke maha dono hathon se apna ser pakar ke baith jati hai.faraz us ke pass jata hai.woh apni behan se kiya
kahay usay kuch samjh nahi ata.
"baji!"
"faisla kertey waqt mai ne bhut soocha,baba ki khushi,amma ki khushi,seema aur tumhari khushi,tum dono ki shadi,
tum dono ki khushiyan,waleed ki mohabbat,unkey daway,unki khushi,sana ka mustaqbil,uski khushiyan,us ki
khwashihain,us ka tahafuz,sab kuch faraz sab kuch,aur inkaar ki soorat mein waleed ka wapis na ana.ager mai
inkaar ker deti,to woh kabhi pakistan wapis nahi atay,baba aur amma to akeley reh jatey,unka to aik hi beta
hai woh jeetey jee mar jatey,aur us ki waja mai hoti.to phir batao mujhay mai ne theek kiya?"
faraz ye sab sunn ke maha ko dekhta reh gaya aur jab woh bola to bas ye keh.
"baji,in sab mein aap kahan hain?aap ki khushi kahan hai?aap ka dil kiya kehta hai?baji,aaj bhi aap sab ki
khushi mein khush hain.yahan tak keh sana ke liye bhi.."
"woh meri beti hai faraz.."
"mai ne kab kaha keh woh nahi hai.mai jaanta hoon,aap jaanti hain keh sana kon hai aur kiya hai.lekin phir bhi
baji,aik baar sirf aik baar apni khushi ka khayal kerain.aap ka dil kiya kehta hai woh sunain.baqi sab ko aik
taraf rakhain,sirf apney liye soochain aik baar."
faraz apni baat keh ke khamoosh hojata hai.kaafi dair tak kamrey mein khamooshi chahyi rehti hai.
"baba mar jayain gay faraz,amma ye ghum seh nahi payain gi.merey aik inkaar pe waleed wapis nahi aayain gay.
mai bhut achi terha jaanti hoon unhay.tum ne unka chehra nahi dekha,jab mai ne haan kiya tha,unkey chehrey ki
muskurahat,ankhon ki chamak,sirf aik haan se,to merey na kehnay se najanay kiya ho."
woh uth ke sana ke pass palang pe baith jati hai.
"ye meri jaan,meri zindagi hai faraz.ye bari ho rahi hai.aur jaisey jaisey ye bari ho rahi hai,waisey waisey
is ke sawalaat berhtey ja rehay hain,is ki sooch berhti ja rahi hai,ye bhut sensitive aur touchy hoti ja rahi
hai."
"phir aap kiya sooch rahi hain?"
"mai isey sab kuch bata doon gi."
"baji!"
"ye bhut zaroori hogaya hai,is se pehlay keh isey kisi aur se maloom ho,mai khud sab kuch bata doon gi."
"theek hai baji.aab aap aram se so jaye,bilkul fiker na kerain kisi bhi baat ki."
"jao,tum bhi so jao ja ke."
"ji baji."
faraz apney kamrey mein chala jata hai aur maha sana ke baraber mein lait jati hai.
********************************************************************
aik saal baad....
waleed wapis aa chuka tha,taya ji chahtey thay keh pheley waleed aur maha ki shadi ho phir faraz aur seema ki.
lekin maha inkaar ker deti hai.woh kitchen ka phailawa samait rahi thi keh waleed wahin us ke pass aa jata hai
aur us ka haath pakar ke usay bahir sehan mein le ata hai.
"kiya ker rehay hain waleed,mera haath chorien."
woh us kay haath pakernay se hi ghabra jati hai aur phir us pe ye keh waleed usay sehan mein le ata hai is
waqt koi bhi kamray se nikal ke wahan aa sakhta tha,lekin ye baat waleed ki samajh mein nahi aa sakhti thi.
"baitho."
maha hairat se kabhi usay aur kabhi us ke ishara ki howi kursi ki taraf dekhti hai.
"kha nahi jaon ga,baith jao baat kerni hai."
"waleed mujhay kaam hai aur raat ke is waqt,hum kal baat ker lain gay."
"tum baith rahi ho ya phir mai..."
"acha acha baithti hoon."
waleed us ki jhijhak samajh gaya tha is liye us ne maha ko foran dhamki di aur woh bhi humaisha ki terha us ki
baaton se ghabra ke wahin us ke kareeb baith gayi.itna kareeb keh ager maha uth ke jana chahay to na ja sakay
keh waleed us ka haath pakar ke usay rok le ga.maha ko ye baat tab mehsoos howi jab waleed ne baat kerni shuru
ki aur usay ehsaas howa keh woh ghabrahat mein ghalat jaga baith gayi hai.
"tum ne inkaar ker diya hai?"
"ji."
"aik to mai tumharey is ji se bara tang hoon,iss ji ke ilawa bhi kuch ata hai ya nahi?"
waleed us ke labon se ji sunn ke gussay mein aa jata hai.
"kiya hogaya hai aap ko ahista bolain."
"kiya ahista bolon,haan kiya ahista bolon.tumhay andaza bhi nahi hai keh mai kitni shidat se tumhay chahata
hoon.jitna jaldi mai tumhay apney kareeb kerna chahata hoon,tum utna door hoti ja rahi ho.majnoo hoagaya hoon
tumharey..."
us ke majnoo kehney pe maha ki hansi choot jati hai,per waleed usay gussay se dekhta howa wahan se chala jata
hai.
"ufffff aab inhay manana parey ga."
woh uth ke waleed ke kamrey ki taraf jati hai usay mananay ke liye.derwazay pe dastak de ke woh andar aati
hai aur kuch kehney hi wali hoti hai keh woh bol uthta hai.
"mujhay tum se koi baat nahi kerni hai."
"waleed aap ko kiya hogaya hai?kyon bachon jaisi harkatein ker rehay hain?"
"what?mai bachon jaisi harkatein ker raha hoon?to theek hai,mat karo mujh se baat jao mujhay sona hai."
ye kehtey hi waleed bister pe lait jata hai aur ankhon pe bazoo rakh leta hai.woh janta hai keh maha apni baat
kiye bina nahi jaye gi,phir bhi woh sota ban jata hai.dosri taraf maha ko samajh nahi ata keh woh baat kaisey
karey keh waleed gussay mein tha.phir bhi us ne himmat ker ke baat shuru ki.
"mai ne shadi se inkar nahi kiya hai.mai ne baba se sirf ye kaha hai keh mujhay waqt chahye is liye filwaqt
rehney dein.mai ne abhi tak sana se kuch nahi kaha hai,usay sab kuch batanay ke liye himmat aur waqt chahye.
aap sunn rehay hain na?"
ye kehtey hi maha ne apna ser utha ke waleed ki taraf dekha jo us ke samney khara usay hi dekh raha tha.maha
usay is terha apni simit dekhta pa kar do kadam peechay derwazay se lag ke khari hogayi.waleed us ki ehtiyat
aur ghabrahat pe muskura deta hai.
"aisey kiya dekh rehay hain?"
woh us ke musalsal dekhnay pe poochti hai.
"kuch nahi,tum kaho to mai baat karoon sana se?"
"nahi mai ker loon gi,woh bari ho rahi hai najanay kaisa react karey."
"chalo jaisi tumhari merzi,ruko tumharey liye kuch laya hoon."
waleed usay jata howa dekh ke rok leta hai.woh us ke kehnay pe ruk jati hai aur usay kuch talaash kerta howa
dekhti hai.
"kahan rakh diya hai mai ne..o haan yaad aya!"
waleed apni almari ke locker ko kholta hai aur us mein se aik khoobsurat dibya nikalta hai aur maha ko deta
hai.
"ye tumharey liye hai."
"ye kiya hai?"
"khol ke dekho."
"waleed ye?"
maha kholti hai to us mein se aik khoobsurat angothi ko nikalti hai.
"tumharey liye,kaisi lagi?"
"bhut achi hai per mehangi hogi na?"
maha ke is sawal pe woh hansnay lagta hai.usay is terha hansta dekh ke maha ka mounh ban jata hai.
"is mein hansnay wali kiya baat hai?"
"jis shop pe mujhay ye pasand aayi thi,isey haath mein leke mai tumhay hi sooch raha tha keh tum isey dekh ke
kiya kaho gi,aur pehli baat zehan mein merey yehi aayi keh tum kaho gi ye bhut mehangi hai aur meri hansi
choot gayi,wahan pe sab mujhay dekhnay lagay.is liye jab tum ne wohi baat kahi to mujhay hansi aagayi."
waleed ki in baton pe maha ke chehrey pe bhi muskurahat aa gayi.
"isey younhi dekhti raho gi ya pehno gi bhi ya mai pehna doon."
uski akhri baat pe aur us key agay kadam berhanay pe,maha jaldi se apni ungli mein woh angothi pehan leti hai.
"bhut khoobsurat hai."
"per tum se ziyada nahi."
"aab mai ja rahi hoon,foran shuru hojatey hain."
waleed us ke chehrey pe sharam-o-haya ke rang dekh ke us ke kareeb anay ki koshish kerta hai keh maha foran
kamrey se chali jati hai aur waleed us ke is terha ghabra ke janay pe apney qheqhay ko rok nahi pata.
**************************************************************************

waqt guzarta raha aur maha,sana ko kuch na bata saki.yahan tak ke faraz aur seema ki shadi hogayi.jo hum
soochtey hain waisa hota nahi,aur jo nahi soochtey woh humarey waham-o-gumman mein bhi nahi hota aur hota
chala jata hai.maha ko waqt chahye tha sana ko sab kuch batanay ka lekin usay mozoon waqt muyasar nahi aya.
waqt ka kaam guzarna hai aur woh guzarta chala jata hai,kisi ke liye nahi rukta.maha ke liye bhi nahi ruka
aur aik shaam in sab ki zindagi ko tareekh ker gaya.
"mum'ma!"
maha kitchen mein shaam ki chai ki tayari mein masroof thi keh wahan sana aa gayi.
"ji beta bolo?'
"mum'ma!"
"ji beta bolo,mai sunn rahi hoon."
sana kuch dair khamoosh rehney ke baad bolti hai.
"mum'ma!kiya aap meri mum'ma nahi hain?"
maha jo chai sab kapon mein daal rahi thi,sana ke is sawal pe usay sakit nazron se dekhnay lagi.
"bolain na kiya aap meri mum'ma nahi hain?"
sana ke dobara poochney pe us ke sakit wajood mein junbish paida howi,to us ke haath se chai ki pateeli,us ke
paon pe gir gayi,per usay kuch mehsoos na howa.woh sana ke pas bhagney ke se andaz mein gayi aur usay apney
dono hathon se pakar ke jhanjhorney lagi.
"kis ne kaha hai ye sab aap se?bolein jawab dein?kis ne kaha hai?mamoo ne kaha hai?"
usay pehla khayal faraz ka aya to us ne poocha.
"nahi,uncle ne."
"uncle ne?kon se uncle ne?"
"waleed uncle ne."
"waleed ne."
usay hairat ka shadeed jhatka laga magar dosrey hi pal woh sana ka haath pakar ke waleed ke pas chaat pe
phunchi.
"kiya kaha hai aap ne is sey?"
jaisey hi woh chaat pe phunchi,us ne waleed ka rukh apni taraf kiya aur us ki ankhon mein ankhain daal ke
us se poocha.woh usay dekhta reh jata hai.ansooaon se bhara chehra,ankhon mein gussa,paraishani.
"kiya dekh rehay hain,mai kuch pooch rahi hoon aap se?"
"yehi keh tum us ki maa nahi ho."
"kis ne kaha hai ye aap se?kyon bataya aap ne isey?"
"sach bataya hai,aur ager ye sach nahi to phir bolo kon hai ye?is ke maa baap kon hain?maloom nahi kis ki
aulaad hai,jayiz bhi hai ya nah..."
"waleed!"
is se pehley ke woh apni baat mukamil kerta,maha ka haath us ke chehrey pe nishaan chor gaya.woh hairat se
maha ko daikhney laga,jahan pe sirf gussa tha.koi sharam,koi ghabrahat nahi,jo usay dekh ke maha pe taari
hojati thi.
"haan ye sach hai keh mai us ki maa nahi aur woh meri beti nahi lekin ye.."
aik pal ke liye maha sana ko bhool jati hai keh woh usay apney saath chaat pe layi thi,lekin jaisey hi
darwazay pe khatkay ki awaz aayi maha apni baat mukamil nahi ker payi.woh sana ki taraf berhti hai to woh
wahan se bhagney lagti hai aur maha us ke peechay.waleed bhi in dono ke peechay ata hai.
"sana,sana.ruko beta meri baat suno."
"nahi,aap meri mum'ma nahi hain."
"sana,mera bacha."
"nahi nahi aap meri mum'ma nahi hain."
woh seeriyan utarti jati aur kehti jati aur us ke peecha maha usay rokney ke liye.
"sana,aap meri beti ho,meri jaan ho,meri zindagi ho."
"nahi nahi,aap meri mum'ma nahi chorien mujhay."
woh aik jhatkey se maha se apna aap chura ke darwazay se bahar chali jati hai.
"faraz roko usay."
woh faraz ko derwazay se ata dekh ke kehti hai.lekin jab faraz sana ko rokney ki koshish kerta hai to woh us ka bhi
haath jhatak ke bhaag jati hai.shor ki awaz sunn ke wahan taya ji,tayi ji aur seema bhi aa jatey hain.
maha aur faraz sana ko rokney us ke peechay jatay hain lekin jab tak woh us tak phunchtey hain gaariyon ke apass
mein takranay se aik zordaar dhamaka hota hai jis se fizza goonj uthti hai aur saath hi maha ki cheekh bhi.
"baji!baji!ankhain kholein."
faraz,maha ko zameen pe girney se pehlay hi apnay bazooaon mein sambhal leta hai.
"seema tum andar ja ke baba aur amma ko batao,mai baji ko le ke hospital jata hoon."
"aur sana?"
faraz aik lamhay ke liye seema ko uljhi howi nazron se dekhta hai keh usay kiya jawab de.
"gaariyon ke takranay ki awaz yahan tak aayi thi,aik dhamakey ki soorat mein,dua karo wahan sana na ho keh
ager aisa howa to baji mar jayain gi."
"Allah na karey,kaisi batain ker rehay hain."
"theek keh raha hoon,agay kiya honay wala hai tum nahi jaanti,koi bhi nahi jaan sakhta siwaye merey."
ye kehtay hi faraz gaari mein baith ke maha ko hospital le jata hai aur seema ghar ke andar ja ke taya ji aur
tayi ji ko batati hai.
****************************************************************************
"hello,raheel mai baji ko le ke aa raha hoon."
"lekin baat to sunn,hello??"
raastey mein faraz ne raheel ko phone ker ke bata diya,lekin us ki baat sunnay se pehley hi line kaat di.
gaari ko full speed mein chalatey howey,faraz ne aik nazer apni behan pe daali aur kaha
"iam sorry baji,aaj aap hosh mein nahi,mujhay duayain aur naseehat kernay ke liye,aur aaj mai hosh mein nahi.
kisi ki perwah kiye bagair full speed mein gaari chala raha hoon keh aap aur aap ki jaan se berh ke mujhay
koi azeez nahi.iam sorry baji."
faraz hospital phuncha to raheel wahin us ke intezar mein khara tha.
"dimaagh to kharab nahi hogaya hai tera,kis terha gaari chalata howa aya hai aik ghantey ka raasta adhay ghantey
se bhi kam mein phuncha hai,khud bhi maray ga dosron ko bhi marwaye ga.baba!"
usay daanttey howey raheel ki nazar sab se pehley tayaji pe pari phir us ke baad tayiji seema aur phir maha pe.
seema ke batanay pe ye sab bhi faraz ke peechay hospital aagay.
"faraz!"
raheel ne sawaliya nazron se faraz ko dekha.
"behosh hogayi hain."
"mai check kerta hoon.tu paraishan na ho."
"mai apni leave wapis lena chahta hoon."
"filwaqt rehnay de,mai sambhal loon ga,tu paraishan na ho bas,dua ker."
faraz ne apni shadi ki waja se leave li howi thi,woh chahta tha keh maha ka ilaaj woh karey lekin raheel ne
mana ker diya.thori dair baad raheel kamrey se bahar aya to faraz us ko uljhi howi nazron se dekhney laga.
"kiya baat hai raheel?baji theek to hain na?"
"faraz,nervous breakdown howa hai."
faraz wahin kursi pe apney dono hathon se sar pakar ke baith gaya.
"khud ko sambhal.dua ker unhay jald hosh aa jaye.aur faraz,sana.."
"sana?kahan hai sana?bol na yaar kahan hai sana?"
"yahin hai.ICU mein.bhut shadeed accident howa hai.bhut chootein aayi hain.mai tujhay phone ker ke batanay
wala tha,usi waqt tera phone aya aur tu ne baji ke mutaliq kaha,mai us waqt batana chahta tha lekin tu ne
line kaat di.aur tu kuch paraishan bhi laga is liye dobara phone nahi kiya."
"usay hospital kon laya?"
"jis gaari se accident howa tha,wohi shaks usay yahan laya woh khud bhi buri terha hurt hai."
"ye sab kiya hogaya raheel."
"khud ko sambhal faraz.dua ker sab theek hojaye ga."
"mai sana ko dekhna chahta hoon."
"theek hai."
faraz ke saath baqi sab bhi sana ko dekhnay ICU gay.patiyon mein jakra us ka wajood dekh ke seema aur tayi ji
apna zabt kho baithin aur ro parin.faraz aur tayaji ne in dono ko sambhala.aab ye sab sirf dua ker sakhtey
thay.
************************************************
do din guzar gay na maha ko hosh aya aur na hi sana ko.faraz ne tayaji aur tayiji ko ghar bhaij diya,seema
ne janay se inkaar ker diya lekin phir bhi faraz ne usay zaberdasti ghar bhaij diya.woh subah ko jati aur dophar
ko wapis hospital aa jati.faraz kabhi maha ke pass hota kabhi sana ke pass.teesrey din sana ko hosh aya lekin
woh sirf do ghantey zinda reh saki aur jaisey hi uski ankhain band howin maha ko hosh aagaya.jab maha ko hosh
aya,tab faraz,tayaji aur waleed sana ki tadfeen ker rehay thay aur tayiji aur seema ghar pe thay.maha ne hosh
mein atay hi sab se pehlay sana ka naam liya aur hyper hogayi aisey keh usay sambhalna mushkil hogaya.raheel ne
usay sakoonawar injection de ke sula dia.aisa roz honay laga jab bhi woh uthti sana ka naam leti aur bikhar
jati.faraz ne bhut baar koshish ki keh usay sana ke mutaliq bataye lekin raheel usay rok deta.phir aik din
woh so kar uthi to bilkul normal thi na hi us ne sana ka naam liya aur na hi woh hyper howi.raheel ne us ki
condition dekh ke usay kuch dino baad discharge ker diya.jis din maha ko discharge hona tha,us din faraz us ke
saath tha.faraz ko woh bhut chup chup lagi,woh koi baat nahi ker rahi thi bas aik hi jaga dekhay ja rahi thi.
faraz ko us ki khamooshi khataknay lagi,woh chahata tha keh maha us se sana ke mutaliq poochay aur woh usay
sab kuch bata de apney dil ka boojh halka ker le.akhir faraz ne hi pehal ki.
"baji aap ka paon kaisey jala?"
maha ne aik nazer faraz pe daali aur phir apney paon ko dekha.
"garam pateeli gir gayi thi."
"kaisey?"
"haan!"
faraz ne apna haath us ke haath pe rakha taakey woh us ki taraf mutawajah rehay.maha ne uski taraf dekha.
"baji kaisey gir gayi pateeli?"
maha ki ankhain ansowaoan se bhar gayin aur tap tap ker ke us ke ansoo faraz ke haathon pe girney lagay.
"baji!"
"us din mai sab ke liye shaam ki chai ki tayari ker rahi thi keh wahan sana aa gayi aur us ne mujh se poocha
keh kiya aap meri mum'ma nahi.tab aik pal ke liye mujhay laga keh merey paon ke neechay zameen nahi rahi.mai
sakit nazron se usay daikhti rahi aur jab us ne mujh se dobara yehi sawal kiya tab merey wajood mein harkat
howi aur merey haath se pateeli gir gayi."
maha ye sab kehnay ke baad khamoosh hogayi.faraz ne us ka haath nahi choora.phir maha ne kehna shuru kiya.
"waleed ne usay sab kuch bata diya aur jaanay kiya bataya aur kaisey bataya keh woh biphar gayi aur mujh se
bhaagtey howey derwazay se nikal gayi.tum ne waleed ko bataya tha sab kuch??"
"ji baji!"
"kyon faraz kyon bataya tha,ager nahi batatey to aaj sana mujh se naraz nahi hoti."
kamray mein aik baar phir khamooshi chah gayi.
"faraz usay merey pass lao.woh mujh se naraz hai mai usay mana loon gi,usay pyar se sab kuch sahi sahi bata doon
gi.tum usay ghar pe akela to chor ke nahi aay na?woh bahir hogi usay merey pass lao usay bolo mum'ma bula rahi
hain."
woh aik saans mein faraz ko sab kuch keh gayi jaisey usay umeed thi keh sana wahin hai hospital mein us ke pass.
"baji woh!"
"kiya baat hai faraz tum kuch boltey kyon nahi sana kahan hai?"
"baji woh nahi hai."
"nahi hai?kiya matlab?"
faraz ko samjh nahi aa raha tha keh maha ko kaisey bataye lekin us ke bataney se pehly hi maha samjh gayi.us ne
aik jhatkey se apna haath churaya aur bister se uth khari howi.
"baji!"
"nahi ye nahi ho sakhta"
"ye sach hai woh hum sab ko chor ke chali gayi hai."
"nahi nahi ye nahi ho sakhta,woh mujhay chor ke nahi ja sakhti."
"mai ne khud apney haathon se mitti daali..."
"nahi nahi"
"baji! mai ne apnay in haathon se us ki qabar pe phool charhaye."
"nahi nahi,faraz woh mujhay chor ke nahi ja sakhti.woh meri jaan hai."
ye kehtey hi woh zameen pe baith ke apnay dono haath mounh pe rakh ke phoot phoot ke ronay lagi.faraz apni
behan ke pass wahin pe baith gaya.
"baji!"
faraz ka itna hi kehna tha keh woh apnay bhai ke galay lag ke ronay lagi.
"bas baji bas."
woh us ke ser pe haath phair ke usay chup karanay laga.
"woh mujhay chor gayi faraz.mai akeli hogayi khaali daman.kuch nahi bacha merey pass.mai kyon zinda hoon faraz
woh mujh se naraz ho ke chali gayi.akhri waqt tak woh yehi kehti rahi aap meri mum'ma nahi aap meri mum'ma
nahi.haan mai us ki maa nahi tabhi to aab tak zinda hoon.kon ho gi aisi maa jo apnay bachay ke mernay pe bhi
zinda hai.mai mar kyon nahi gayi."
"bas ker dein baji,bas ker dein."
maha kaafi dair tak us se lipat ke roti rahi.jab woh kuch sambhal gayi to faraz ne kaha...
"aayain baji ghar chalain."
aur woh dono uth ke hospital se ghar ke liye rawana howey.
************************************************************************
ghar phunch ke maha apney kamrey mein chali gayi woh kisi se baat nahi kerna chahti thi,na us ne raat ka khana
sab ke saath khaya.
"baji khana kha lein."
faraz aik tray mein us ke liye khana laya tha.
"dil nahi ker raha hai,tum kha lo."
"thora sa kha lein mai apnay haathon se khilata hoon."
"nahi faraz bilkul dil nahi hai khanay ka."
woh us ke bed pe baith gaya aur tray us ke samnay rakh di.
"aap ko yaad hai baji jab ami baba ki death howi thi mai har waqt rota rehta tha,khana bhi nahi khata tha.phir
aap mujhay behlatin aur apnay haathon se khana khilatin,bilkul aisey!"
faraz niwalay bana ke us ke mounh mein dalnay laga.maha ki ankhon mein ansoo aagay,woh us ke mounh mein niwalay
daalta jata aur baat kertey jata.
"sana ko hosh aya tha."
woh ansoo bhari ankhon se faraz ko dekhnay lagi,jaisey yaqeen kerna chaha rahi thi keh woh sach hai ya jhoot.
"jis din aap hospitalized howi theen usi din sana bhi wahin thi ICU mein.us ka accident howa tha aur bhut
shadeed chotein aayi theen usay."
maha bhut sakoon se us ki baat sunn rahi thi.ankhon se ansoo beh rehay thay.
"do don baad usay hosh aya lekin sirf do ghantey ke liye.woh musalsal aap se milney ki zid kerti rahi aur phir
us ne bhi mujh se wohi sawal kiya jo aap se kiya tha,aur mai ne usay bhut pyar se bhut aram se sab kuch bata
diya."
faraz kuch dair tak intezar kerta raha keh maha kuch bolay lekin woh kuch nahi boli bas us ki shakal dekhti
rahi.
"aap poochain gi nahi us ne kiya kaha ye sab sunnay ke baad?"
maha ne apna ser asbaat mein hilaya to faraz ne kaha..
"us ne kaha mamoojaan,mum'ma se kehye ga mujhay maaf ker dein,aap hi meri mum'ma hain aur mai aap se bhut pyar
kerti hoon.I love you mum'ma."
ye suntey hi maha faraz ke kandhay pe ser rakh ke ronay lagi.
"bas baji aaj ro lain jitna rona hai,mai aap ko phir na dekhon aisey rotey howey."
aur phir us din ke baad se maha ki ankhon mein ansoo nahi aay.din mahino mein guzartey rehay.bazahir sab kuch
theek tha lekin woh waleed ki moujoodgi mein apnay kamrey mein rehti.jab woh office jata tab woh apnay kamrey
se nikalti,nashta kerti,tayaji aur tayi ji ke pass baithti.faraz aur seema se batain kerti.dophar ka khana woh
in logon ke saath khati.lekin raat ka khana woh apnay kamrey mein khati keh waleed khanay ki maiz pe hota.jab
kabhi woh office nahi jata to maha poora din kamrey se bahir nahi nikalti.waleed sab kuch dekh aur bardasht
ker raha tha.lekin kab tak bardasht kerta,akhir aik din jab us ki office ki chutti thi aur maha us ki ghar mein
moujoodgi per aapnay kamrey mein thi keh woh us ka derwaza khol ke andar aya.
"chalo merey saath."
maha us ke is terha kamrey mein anay per hairat se usay dekhti hai.
"mujhay kahin nahi jana."
waleed agay berh ke us ka haath pakerta hai aur taqreeban khainchta howa usay sehan mein lata hai,aur is terha
us ka haath chorta hai keh woh ghoomti howi taya ji ke kadmoon mein girti hai.sehan mein taya ji tayi ji seema
aur faraz baithay batain ker rehay thay,waleed ke is rawaye per sab ne aik saath us ki taraf dekha.
"baji!"
faraz uth ke apni behan ki taraf ata hai.
"baji aap theek hain?"
"haan theek hoon."
"waleed ye kiya badtameezi hai?"
tayaji gussay mein waleed ki taraf dekhtey howey kehtey hain.
"poochain iss se kis baat ka aur kis ka sog mana rahi hai ye aab tak,kon si woh is ki sagi aulaad thi jo aab
tak sog mana rahi hai ye.pata nahi woh raheel ki bhi aulaad thi ya nahi."
aik dam se waleed boltey boltey maha ki taraf dekh ke kehnay laga..
"pata nahi kisi beech rah se uthaya hai ya phir kachrey se."
maha aik jhatkey se uthi aur waleed ki taraf berhi aur us ka garaibaan pakar ker poochnay lagi..
"kiya kaha aap ne?"
waleed uski ankhon mein ankhain daal ke dekhnay laga aur kaha
"pata nahi beech rah se uthaya hai ya phir.."
is se pehlay ke waleed apni baat mukamil kerta maha ne usay aik thapar mara..
"bas ker dein!bas ker dein!khuda ke liye.ye dekhain,mai haath jorti hoon aap ke samnay baksh dein usay,nahi hai woh yahan.mai aap ke paon perti hoon,us masoom ko baksh dein.woh raheel ki beti thi,unki sagi aulaad,unki pehli wife shermeen se."
maha kehtay hi phoot phoot ke ronay lagi.faraz uth ke maha ke pass aya aur us ke kandhon pe haath rakh ke us ko
uthaya.
"baji please mat roain aisey,bas ker dein."
"kaisey bas ker doon.kaisey?"
maha ik dum se gussay mein chilanay lagi.
"bas ker doon,kyon bas ker doon?do saal baad jab hum yahan aay thay,meray saath aik bachi thi tab kisi ne nahi
poocha mujh se keh ye bachi kon hai?kis ki hai?kisi ne poocha?nahi kisi ne nahi poocha,na baba aap ne,na aap
ne amma,na tum ne seema,phir aab kyon?aab kyon jab keh woh yahan nahi hai.khuda ke liye us masoom ko baksh
dein."
"beta tum ne khud se bhi to nahi bataya?"
rotay rotay maha behaal ho chuki thi keh usay tayi ji ki awaz sunayi di.
"mai khud se batati amma!kaisey batati.kahan se laati woh dil jis se batati keh woh meri beti nahi,raheel ki
beti hai unki pehli wife shermeen se."
maha wahin un ke dermiyaan baithi roti rahi.faraz us ke pass baith gaya.thora sambhalnay ke baad maha ne ahista
ahista sab batana shuru kiya.
"jab hum yahan se gay to sab se pehlay ghar ka masla tha keh hum kahan rehtay.bhut mushkilon se aik chota sa
ghar mila.dosrey din faraz ne ja ke hospital se resign kiya taakay aap mein se koi humain dhondh na paaye.
kuch din tak faraz ne mukhtalif hospitals mein job talaash ki aur akhir aik hospital mein job mil gayi.yahan
is ki dosti dr.raheel se howi aur usi ne humain aik dosri jagah pe khaali ghar dikhaya jo hospital se kareeb
bhi tha.iss ghar ke maalik raheel thay jo ghar ko baich ker mustakil tor per bahir ja rehay thay.hum itnay baray ghar ko nahi khareed sakhtey thay,is liye hum ne soocha keh us ghar mein aarzi tor pe reh laitay hain aur kahin acha sa ghar dhondhtey rehain gay,jab mil jaye ga to wahan reh lein gay.per aisa na ho saka raheel do teen hafton ke baad sab kuch windup ker ke wapis pakistan aa gay.humain phir rehaish ka masla lahaq hogaya,lekin raheel ne wahan se janay na diya.woh mujh se shadi kerna chahtey thay,unho ne faraz se baat ki aur faraz ne meray ser pe haath rakh ke sawal kiya."
maha ansoaon ke dermiyan muskura di aur faraz ke ser pe haath phaira.woh bhi apni behan ko dekh ke muskura dia.maha ne baat ka silsila wahin se jora jahan se tora tha.
"mai ne yehi kaha jaisey tum theek samjho aur is terha sadgi se shadi hogayi.na unki taraf se koi tha na
humari taraf se.shadi ki raat unhay ne mujhay bataya keh unki aik beti hai sana,unki pehli wife shermeen se.woh humaisha ke liye pakistan isi liye wapis aay thay keh unki wife ki death ho chuki thi.warna wapis anay ka unka irada nahi tha.sana apni nani ke ghar pe thi.mai un se roz kehti aap usay yahan le aayain merey pas lekin woh yehi kehtey keh tum adjust hojao phir le aaon ga.mera israar berhta raha aur aik din woh sana ko meray pass le aay.woh bhut pyari bhut masoom thi aur jab pehli baar us ne mujhay mum'ma kaha to mai ne usay apni bahon mein samait liya.ahista ahista woh mujh se attached hoti gayi.school se aati to mujhay pukarti,meray bagair khana nahi khati,kabhi kabhi meray haathon se khanay ki zid kerti.meray saath soti,meray bagair usay neend nahi aati
bhut sensitive thi jaisey jaisey bari ho rahi thi us ke sawalaat berhtey jatay aur mai us ke masoom se sawalon ke jawab deti.us ne apni maa ko nahi dekha tha keh jab woh choti si thi,tabhi us ki maa usay akela chor ke chali gayi thi.woh mujhay hi apni maa kehti aur samjhti.waqt guzarta raha,raheel ne mujhay sab kuch diya izzat mohabbat
ghar aur aik pyari si bachi,lekin unka aur mera saath ziyada arsey na reh saka.aik accident mein sana ki saari zimedaari mujhay soanp ke chalay gay."
kuch pal ke liye maha khamoosh hogayi,sab apni apni jagah chup thay.sehan mein udasi chahyi howi thi,sab ki nazrien maha ki taraf thi.
"do saal baad hum yahan wapis aa gay.aap mein se kisi ne sana ke mutaliq nahi poocha aur mai ne bhi nahi bataya.faraz ko mai pehlay hi mana ker chuki thi lekin us ne waleed ko bata dia aur waleed ne sana ko."
maha ye kehtay hi uth ke waleed ke pass aayi aur kehnay lagi..
"aap ko sab pata tha phir bhi aap us ke khilaaf ulta seedha bolay.mai ne mana kiya tha keh aap usay kuch mat bataye ga lekin aap ne usay bataya.aap kehtay thay keh aap ko mujh se mohabbat hai,ishq hai,to ye kaisi mohabbat hai?ye kaisa ishq hai?bolain jawab dein mujhay?chup kyon hain?"
maha,waleed ka garaibaan paker ke usay jhanjhornay lagi.lekin woh kuch na bola bas chup chaap usay dekhta raha.
"jis se mohabbat hoti hai usay takhleef nahi diya kertay.usay ansoo nahi diya kertay.per aap ne mujhay har pal ansoo diye,takhleef di.meri zindagi ko mujh se cheen liya.ye...ye angothi aap ne mujhay di thi na bhut mohabbat se bhut chaha se?"
woh apnay haath ki ungli mein pehni angothi waleed ko dikhati hai aur aik jhatkey se usay utar ke,uski taraf phainkti hai.
"mujhay aisi mohabbat aisi chahat nahi chahye,aaj se mera aur aap ka rishta khatam,nafrat hai mujhay aap se."
"chaand!"
woh rotay howey wapis apnay kamrey mein janay lagti hai keh usay waleed ki awaz aati hai.woh apna rukh us ki taraf morti hai to usay waleed ghutno ke bal baitha howa nazar ata hai aur us ke dono haath maafi ke liye juray hotay hain.woh usay dekhti reh jati hai.
"chaand!mujhay maaf ker do mai ne jaan boojh ke ye sab nahi kiya."
"maaf ker doon?chalain theek hai maaf ker doon gi,ager aap abhi aur isi waqt yahan idher meri ankhon ke samnay meri jaan meri zindagi ko le aayain mai maaf ker doon gi."
waleed hairat se uski taraf dekhnay lagta hai.faraz,seema,tayaji aur tayiji bhi maha ko aisey dekhtay hain jaisey sadmey se us ke dimagh pe asar hogaya ho.
"beta kaisi batain ker rahi ho?"
"nahi baba,inhay maafi chahye to inhay sana ko meray samnay lana hoga."
"baji,kaisi batain ker rahi hain?kiya hogaya hai aap ko?ye namumkin hai."
"kyon namumkin hai.inhay mujh se mohabbat hai,ishq kertay hain mujh se,maafi chahye inhay to sana ko yahan meray samnay layain."
woh faraz se baat kertay kertay apna rukh waleed ki taraf kerti hai aur us se poochti hai..
"kiya howa?kiya dekh rehay hain?nahi la sakhtey na meri jaan ko?"
woh ansoo bhari ankhon se usay dekh ke kehnay lagi..
"mai ne maaf kiya aap ko."
maha itna keh ke apnay kamrey mein chali gayi aur derwaza band ker liya.
"baba!baba!kiya howa aap ko?"
maha ke jaanay ke baad sab apni apni jagah sakit kharay thay keh tayaji ke kursi pe girnay ki awaz aayi aur saath hi seema unki taraf bhaagi.faraz foran unki taraf aya aur nabz check kernay laga.
"waleed bhai,baba ko hospital le jana hai foran,aap gaari nikalein mai baji ko batata hoon."
faraz,waleed ko hidayat de ke seedha maha ke kamrey tak aya aur derwaza khatkhataya.
"baji,derwaza kholain,baba ki tabiyat theek nahi,hospital jana hai baji,derwaza kholain baji please derwaza kholain,baba ki tabiyat serious hai unhay hospital le ke jana hai."
maha ne derwaza khol diya aur foran bahir sehan mein aa gayi.lekin usay wahan koi dikhayi na diya.
"baba kahan hain?kiya howa hai unhay?bolo na faraz chup kyon ho?"
"baji,baba behosh hogay hain,unhay hospital le ke jana hai,gaari mein hain."
maha foran bhaag ke gaari mein baithi jahan tayaji behosh thay.
"baba!baba!kiya howa hai aap ko?ankhain kholain baba,faraz gaari chalao."
maha ki nazrein tayaji ki hi taraf thi,us ne bagair dekhay faraz ko gaari chalanay ka kaha,jab ke driving seat pe waleed tha.
"tez chalao."
maha ki baar baar aik hi takraar pe faraz aur waleed aik dosrey ko dekh ke muskuranay lagay.tayiji aur seema ghar pe hi thay.maha bhi nangay paon bhaagti howi gaari mein baith gayi thi.faraz ne usay roknay ki koshish ki thi lekin us ne unsuni ker diya tha.woh ye bhi nahi jaanti thi keh drive faraz nahi waleed ker raha hai.jab hospital phunchay tab maha ko ilm howa keh drive waleed ker raha tha.woh waleed pe aik nazer daal ke hospital ke andar chali gayi.
"raheel,baba theek to hojayain gay na?"
"baji aap bilkul fiker na kerain mai aur faraz hain insh Allah unhay kuch nahi hoga."
raheel,maha ko taasli de ke agay berh gaya aur woh wahin aik kursi pe nidhaal si baith gayi.bhut dair guzer gayi,na raheel aya aur na hi faraz.maha ka dil ghabranay laga kabhi woh kharay ho ke tahalnay lagti kabhi dono hathon se apna ser pakar ke baith jati.waleed kaafi dair se us ki kaifiyat note ker raha tha lekin us ke pass nahi jata.akhir waleed se raha na gaya aur woh us ke saath wali kursi pe baith gaya.
"chaand!"
maha ne ser utha ke dekha to apnay baraber mein waleed ko paya woh foran se khari hogayi.
"mujhay aap se koi baat nahi kerni."
"Chaand please."
"mai ne kaha na mujhay aap se koi baat nahi kerni."
"chaand.."
waleed kuch kehnay hi laga tha keh raheel ko apni taraf ata dekh ke chup hogaya.
"raheel,baba kaisey hain?"
"baji relax.theek hain,hosh aa gaya hai.aap ko bula rehay hain,lekin.."
raheel ne usay jata dekha to rok liya.
"lekin kiya?"
"lekin woh bilkul theek nahi howey hain,un se aisi koi baat na kijye ga jo unhay takhleef de."
maha us ki baat sunn ke foran tayaji ke kamray ki taraf bhaagi.woh kamray mein phunchi to faraz pehlay se hi wahan moujood tha.
"baba!"
"aram se baji,baba bilkul theek nahi howey hain."
"kiya howa tha faraz?"
faraz apni behan ko dekhnay laga.
"aisey kiya dekh rehay ho,bolo na?"
"baji,attack howa tha,shuker hai jald hosh aagaya lekin abhi bhi khatra hai."
"baba!ankhain kholain,dekhain mai hoon aap ka beta."
tayaji ne ankhain khol ke maha ko apnay kareeb paya.
"baba mai aap ko bhut tang kerti hoon na,aap ko bhut takhleef deti hoon.mujhay maaf ker dein baba,mai aap ki achi beti nahi hoon."
maha ye kehtay hi tayaji ke seenay pe sar rakh ke ronay lagi.itnay mein waleed,seema aur tayiji ko bhi ghar se le aya tha.
"bas beta,rotay nahi,mai theek hoon aab aur merey sab bachon mein,meri sab se pyari aur achi beti ho."
kamray mein dhakil hotay howey seema,waleed aur tayiji ne,tayaji ki baat sunn li thi,is liye seema masnoyi narazgi se kehnay lagi..
"ye ziyadti hai baba,jo ziyada tang kerta hai aap ko,wohi aap ki jaan hai aur hum sab?hmmmm humari to sirf amma hain."
seema ki is baat pe sab hansnay lagay.kamray ka mahoal thora khushgawar hogaya.
"amma ki chamchi."
faraz ne seema ke ser pe halki si chapat laga ke kaha.
"aur aap baba ke."
"woh to mai hoon."
"chaand dekho na."
seema ne faraz ki shikayat foran maha se ki.
"aab tum dono lerna shuru ker do.sudhar jao.kahin se bhi nahi lagta keh tum dono shadi shuda ho,bachon ki terha lertay ho."
"baji!"
"bas chup,sab bahir chalo baba ko aram kernay do."
woh sab bahar nikalnay lagay keh waleed aur maha ko tayaji ki awaz aayi.
"waleed,chaand,beta baat suno."
maha ne waleed ki taraf dekha,woh dono tayaji ke pas da'ain aur ba'ain baith gay.
"Ji baba."
"beta,chaand,mai nahi jaanta meri zindagi kitni hai,aaj hoon kal nahi..."
"baba please aisi batain mat kerain.aap bilkul theek hain,kuch nahi howa hai aap ko."
maha ne rotay howey tayaji ko kaha.
"beta aik na aik din to sab ko jana hi hai.mera waqt..."
"nahi baba nahi please."
woh tayaji ke seenay pe ser rakh ke ronay lagi.
"chaand please is terha roo gi to baba ko takhleef hogi.woh kehna kiya chahatey hain,sunn to lo.rona to band karo yaar."
maha ne ik dum se apna ser utha ke waleed ko dekha aur kehnay lagi.
"aap ko ager achi lag rahi hain is terha ki batain to aap sunay.aur baba ager aap ne mazeed is terha ki batain kin to mai yahan se chali jaon gi."
waleed aur tayaji us ki ye baat sunn ke aik dosrey ko dekh ke muskuranay lagay.
"acha hum apnay betay se aisi batain nahi kertey.aab aap apnay ansoo pochain shabash."
maha ne jaldi se apnay ansoo saaf kiye aur tayaji ka haath apnay haathon mein le liya.tayaji usay kuch dair tak khamooshi se dekhtey rehay.
"beta,waleed aap se bhut mohabbat kerta hai.jo kuch us ne kiya,us ne kaha,us ne jaan boojh ke nahi kiya.please beta usay maaf ker do aur usay zindagi bhar ke liye apna lo."
maha suun si baithi reh gayi usay yaqeen hi nahi aa raha tha keh tayaji us se ye sab kahain gay.
"baba mujhay maaf ker dein,aap kuch bhi kehain mai maan loon gi,per ye nahi baba,ye mujh se nahi hoga."
"kyon nahi hoga?bolo jawab do?kyon nahi hoga?"
waleed ko gussa aa gaya aur woh ik dum se kharay ho ke maha se sawal kernay laga.maha dar ke khari hogayi aur kabhi waleed ko aur kabhi tayaji ko dekhti.
"jawab do?kyon nahi hoga tum se ye sab?samjhti kiya ho tum apnay aap ko?tum ho kiya??"
"waleed!"
tayaji ne usay rokna chaha lekin woh gussay mein tha.
"bewah ho aik,bewaon ke rishtey nahi aatey,paari rehna zindagi bhar ghar ke aik konay mein.tumhari khushkismati hai keh mai tum se mohabbat kerta hoon aur shadi kerna chahata hoon.warna tum mein hai kiya?kuch nahi,kuch bhi nahi.aik chooyi howi aurat ho."
"waleed chup ho jao."
maha waleed ko sakit nazron se dekhti aur sunti rahi.us ke wajood mein junbish tab howi jab tayaji ki takhleef deh awaz us ke kaano mein paari.waleed sab kuch keh ke apna rukh mor chuka tha.
"baba!baba kiya howa aap ko.raheel faraz.baba ankhain kholain."
woh rotay rotay raheel aur faraz ko wahin se bulanay lagi.
"waleed,baba ko dekhain na,faraz aur raheel ko bulayain."
waleed foran bahir ki taraf bhaaga raheel aur faraz ko bulanay.jab woh teeno wapis aay to maha tayaji ke pas khari ro rahi thi.
"raheel faraz baba ko dekho kiya howa?"
"baji aap bahir jayain,kuch nahi hoga baba ko hum dekh rehay hain."
"nahi mai nahi jaon gi."
"baji,kuch nahi hoga aap bahir chalain."
woh bebasi se faraz ko dekhnay lagi.faraz ne usay tasali di to woh kamrey se bahir aa gayi.waleed pehlay se hi bahir tha.maha ne usay dekha to woh us ke pas aayi.
"woh sab kuch jo aap ne andar kaha,baba ke samnay kehna zaroori tha?aap mujh se akelay mein bhi to keh sakhtey thay.aap un ki halat dekhain,jo dil mein aya aap kehtay chalay gay.aap ko kisi ki perwah nahi hai,kisi ka khayal nahi hai.na baba ka,na amma ka aur na mera.aik baat sunn lein ager baba ko kuch howa na,mai aap ko jaan se maar daalon gi aur khud bhi mar jaon gi."
ye kehtay hi maha ne apna rukh mor liya.waleed khushgawaar hairat se usay dekhnay laga.
"kiya kaha tum ne?"
"ager baba ko kuch howa to aap ko jaan se maar daalon gi."
"nahi,us ke baad?"
"kuch nahi."
"yahan dekho meri taraf."
waleed us ka rukh apni taraf morta hai.lekin maha apni nazrein nahi uthati.
"itni mohabbat kerti ho mujh se keh mujhay maarnay ke baad,khud apni jaan bhi le lo gi?"
maha ne kuch nahi kaha aur na hi apni nazrein uthayin.
"yahan aao meray saath."
waleed us ka haath paker ke usay raheel ke kamrey mein le gaya.maha ne apna haath nahi churaya aur na hi koi ehtejaaj kiya.woh chup chaap waleed ke saath chalti chali gayi.
"baitho yahan."
maha chup chaap baith gayi.waleed us ke samnay kursi rakh ke baith gaya aur us ka haath apnay haathon mein thaam liya.maha ne apna haath churanay ki koshish ki lekin waleed ki grift bhut mazboot thi.woh maha ki ghabrahat mehsoos ker ke muskuranay laga aur us ki sharam o haya se jhuki nazron ko dekhnay laga.
"mai ne sana ki death ke baad jo kuch kaha woh jaan boojh ke kaha tha taakay tumharey andar jo ghum hai usay bahir le aao,tumharey dil mein jo hai,woh sab keh do.tumhay ansoo,tumhay takhleef denay ke liye nahi,sirf is liye keh mai tum se mohabbat kerta hoon,tumhari perwah hai mujhay,tumhara khayal hai mujhay aur jo kuch mai ne abhi kaha baba ke samnay woh is liye kaha keh tum phir inkaar ker rahi theen,mujhay gussa aa gaya aur mai bolta chala gaya."
"jab ke baba aap ko roknay ki koshish ker rehay thay."
"sorry!"
"ji"
"kiya ji?phir wohi ji."
"maaf kiya."
"thankyou so much."
"acha aab aap mera haath chorien."
"bilkul nahi."
"waleed please.."
maha ne apna haath churanay ki koshish ki lekin waleed ne us ka haath mazbooti se thaamay howey,usay apnay nazdeek ker liya.
"kiya ker rehay hain?"
"woh sab kuch kerna chahta hoon,jis se ye lamha ye waqt tham jaye."
maha ne apni nazrein utha ke usay dekha lekin waleed ki nazron aur chehray pe ayan jazbaat usay apni nazrein jhukanay pe majboor ker gay.
"waleed please,koi aa jaye ga."
"koi nahi aay ga."
waleed usay apni nazron ke hissar mein liya howa tha.us ki nazron ki taapish,us ki sansein maha ke chehray pe haseen rang bakhair rahi thi.maha ke dil ki dharkan alag chor macha rahi thi.waleed,mazeed usay tang kernay ka khayal tarq ker ke thora sa peechay haath gaya aur apni jaib se wohi angothi nikali jo maha ne us ke mounh pe maari thi.
"ye?"
waleed us ki ungli mein pehnanay laga.
"mai ne soocha ager tumhay younhi dekhta raha to mujh se koi gustakhi na ho jaye.aur ager aisa howa to tum mujhay kabhi maaf nahi karo gi bas mai tumhay apni shidaton,apni mohabbat,apnay jazbaat se tumhay aagah kerna chahta tha,jo mai ker chuka,hai na?"
maha ne aik nazer waleed ki taraf dekha aur shararat bhari nazron se kaha
"nahi to."
ye kehtay hi maha us se thora door ja ke khari hogayi aur muskuranay lagi.waleed us ki shararat samjh gaya tha
is liye thora agay berha.
"acha to phir mujhay amal ker ke dikhana hoga?"
maha us ki ye baat sunn ke dhak se reh gayi aur usay dekhnay lagi,itnay mein waleed usay apni bahon mein le chuka tha.
"ye kiya ker rehay hain?"
"amal ker ke dikha raha hoon."
"waleed please chorien mujhay,mai to aisey hi keh rahi thi.please chorien."
maha rohansi ho ke apna aap churanay lagi,waleed ne usay chor diya.
"mujh pe aitebar nahi hai,tumhay laga mai tum se shadi se pehlay..."
maha ne foran apna ser naafi mein hilaya.
"mai mazak ker rahi thi,mujhay aap ki shidaton,aap ki mohabbat aur aap ke jazbon ka ilm hai."
"aur chaand mujhay tum se itni mohabbat hai keh mai kabhi bhi tumhay ansoo,takhleef ya azyat nahi de sakhta,kabhi bhi nahi."
waleed usay mohabbat bhari nazron se dekhnay laga aur maha apnay haath ki ungli mein pehni howi angothi ko.
"chaand!mujh se shadi karo gi?"
waleed ke is sawal pe maha ne nazrien utha ke us ki taraf dekha.
"bolo na?mujh se shadi karo gi?"
maha ne apnay lab bolnay ke liye kholay ke waleed kehnay laga.
"inkaar mat kerna aur na hi ji bolna."
woh usay muskura ker dekhnay lagi.
"ji."
itnay mein faraz derwaza khol ke andar aya.
"O'khuda,aap dono yahan hain,mai ne poora hospital chaan maara.chalain aayain baba ko hosh aa gaya hai."
"tumhari behan ko mana raha tha,shuker hai maan gayi hai."
"sach?"
faraz ne hairat se maha ko dekha.
"tobah hai waleed aap bhi haad kertay hain."
woh dono ke dermiyaan se nikal ke tayaji ke kamray mein aayi aur foran unke seenay se lag ke ronay lagi.
"baji please,koi emotional scene na karien.mai ne pehlay bhi kaha tha koi aisi baat na ho jo inhay takhleef de.lekin pehlay bhi aap logon ne nahi suna aur aab bhi nahi sunn rehay.rona dhona machaya howa hai.aab ager kuch howa to sab ko hospital se bahir nikal doon ga."
"raheel!kiya hogaya hai?dekh rehay hain baba?"
"dekh raha hoon,sab dekh raha hoon."
tayaji muskuratey howey sab ko dekhnay lagay.kamrey mein sab moujood thay tayiji,seema,faraz,waleed,maha aur raheel.
"aaj meri poori family yahan hai,mai bhut khush hoon."
"baba,mai aap ki family nahi,sirf aap ka doctor hoon."
"raheel,bekaar ki batain mat karo.tum humari family ka hissa ho aur sab se berh ker faraz ke behad close aur wahid dost ho."
maha ne usay itnay maan se apni family ka hissa kaha ke raheel kuch bol na saka.
"baba,baji maan gayi hain."
faraz ne khush ho ke tayaji ko khushkhabri sunayi.
"chaand,beta yahan aao."
maha un ke pass aa ke baith gayi.
"mera beta khush hai?"
"ji baba mai bhut khush hoon."
"hurray!!"
raheel,faraz,waleed aur seema ne aik saath josh mein khushi ka izhaar kiya.tayaji aur tayiji bhi hans diye aur maha is baar khul ke hans di keh is baar us ne dil se kaha tha keh woh bhut khush hai.
***********************The End*********************
 

Advertisement